नवी दिल्ली । ऑलम्पिक विजेता सुशील कुमार याला आज दिल्ली पोलिसांनी अटक केली आहे. छत्रसाल स्टेडियमवरील २३ वर्षीय सागर राणा हत्या आणि मारहाण प्रकरणी सुशील कुमार याला दिल्ली पोलिसांनी बेड्या ठोकल्या आहेत.
दिल्ली येथील छत्रसाल स्टेडियमवर पैलवानांचे प्रशिक्षण होत असते. एप्रिल महिन्याच्या अखेरीस पैलवानांच्या दोन गटांमध्ये हाणामारी झाली होती. यावेळी ज्युनिअर पैलवान सागर राणा याचा मृत्यू झाला होता. याप्रकरणी सुशील कुमार याच्यावर हत्येचा आरोप होता. दिल्ली पोलीस मागील १ महिन्यापासून सुशीलकुमारचा शोध घेत होती. सुशील कुमारला पकडण्यासाठी पोलिसांकडून १ लाख रुपयांचे बक्षिसहि जाहीर करण्यात आले होते. आज अखेर दिल्ली पोलिसांना यश आले असून त्यांनी दिल्ली येथे सुशीलकुमारला अटक केली आहे.
"Wrestler Sushil Kumar has not been arrested yet. A team of Delhi Police is present in Punjab," says a Senior Official of Delhi Police
A non-bailable warrant was issued against Sushil Kumar & others in case relating to the killing of 23-year-old Sagar Rana at Chhatrasal Stadium
— ANI (@ANI) May 23, 2021
दरम्यान, सुशील कुमारने दिल्लीतील न्यायालयात अटकपूर्व जामीनासाठी धाव घेतली होती. मात्र, न्यायालयाने जामीन फेटाळून लावला होता. या घटनेपासून सुशील कुमार फरार होता. सुशील आणि त्याच्या नऊ साथीदारांचा दिल्ली पोलिसांकडून शोध सुरू होता.
