हॅलो महाराष्ट्र ऑनलाईन । राज्यासह देशात सध्या कोरोना व्हायरसने हाहाकार माजवला आहे. यापार्श्वभूमीवर सरकारकडून लसीकरणावर जोर दिला जात आहे. १८ वर्षांवरील सर्वांना मोफत लसीकरण करण्याचा महत्वाचा निर्णय राज्य सरकारने घेतला आहे. आज झालेल्या मंत्रिमंडळ बैठकीत सदर निर्णय झाला आहे.
Today, the Cabinet under the leadership of CM Uddhav Balasaheb Thackeray has decided to provide free COVID-19 vaccination to all the citizens of Maharashtra aged between 18-44years.#BreakTheChain pic.twitter.com/Kv1vIyVEow
— CMO Maharashtra (@CMOMaharashtra) April 28, 2021
१८ ते ४४ वर्ष वयोगटात असलेल्या ५ कोटी ७१ लाख नागरिकांचं मोफत लसीकरण करण्यात येणार आहे. यासाठी साधारणत: लसींचे १२ कोटी डोस लागतील. यामुळे राज्याच्या तिजोरीवर साडे सहा हजार कोटींचा भार पडेल.
कोरोनाचा वाढता प्रादुर्भाव रोखण्यासाठी १८ ते ४४ वर्ष वयोगटातील व्यक्तींचं लसीकरण करण्याचा निर्णय केंद्र सरकारनं थोड्याच दिवसांपूर्वी घेतला. यानंतर देशातल्या अनेक राज्य सरकारांनी मोफत लसीकरण करण्याचा निर्णय घेतला. त्यामुळे ठाकरे सरकारच्या निर्णयाकडे लक्ष लागलं होतं. उपमुख्यमंत्री अजित पवार आणि आरोग्यमंत्री डॉ. राजेश टोपेंनी कालच याबद्दल संकेत दिले होते. उद्या होणाऱ्या कॅबिनेट बैठकीत मोफत लसीकरणाचा निर्णय होऊ शकतो, असं या दोन्ही मंत्र्यांनी म्हटलं होतं.