हॅलो महाराष्ट्र ऑनलाईन । आपण जर एकापेक्षा जास्त बँक खाते उघडले असल्यास आता सावधगिरी बाळगा. कारण एकापेक्षा जास्त खाते उघडण्याचे बरेच नुकसान आहेत .. आणि याबद्दल फारच कमी लोकांना माहिती असेल. आपले बँक खाते चालू ठेवण्यासाठी मिनिमम बॅलन्स ठेवावा लागतो. तसेच, आपण असे न केल्यास, बँक देखील आपल्याकडून त्यासाठी मोठ्या प्रमाणात शुल्क आकारते. याबाबत तज्ञ असे सांगतात की, जर आपण एखादे बँक खाते बंद केले तर आपल्याला त्यासंदर्भातील सर्व आवश्यक कागदपत्रांची डी-लिंक करून घ्यावी लागेल. कारण बँक खात्यातून गुंतवणूक, लोन, ट्रेडिंग, क्रेडिट कार्ड पेमेंट्स आणि विम्याशी संबंधित पेमेंटच्या लिंक असतात. आता आपण आपले खाते कसे बंद करू शकता ते जाणून घेउयात.
>> सध्याच्या काळात लोक बर्‍याचदा घाईघाई नोकर्‍या बदलतात अशा परिस्थितीत प्रत्येक संस्था आपले सॅलरी खाते उघडते. ज्यामुळे मागील कंपनीचे खाते हे जवळजवळ निष्क्रिय होते. कोणत्याही सॅलरीच्या खात्यात तुम्हाला तीन महिन्यांपर्यंत पगार न मिळाल्यास ते आपोआप बचत खात्यात रूपांतरित होते.
>> बचत खात्यात बदलल्यास त्या खात्यासाठी असलेले बँकेचे नियमही बदलतात. या नियमांनुसार, त्या खात्यात किमान रक्कम शिल्लक देखील ठेवणे देखील आवश्यक असते आणि जर आपण ही रक्कम न ठेवल्यास बँका त्यासाठी तुम्हाला दंड आकारतात आणि त्या खात्यातून पैसे वजा करतात.
>> बर्‍याच बँकांमध्ये खाते असल्याने इन्कम टॅक्स भरतानाही तुम्हाला अनेक अडचणींचा सामना करावा लागू शकतो. आपल्याला आपल्या प्रत्येक बँक खात्याशी संबंधित माहिती त्यावेळी द्यावी लागते.
>> तसेच, सर्व खात्यांचे स्टेटमेन्ट्स देणे देखील खूप मोठे काम बनते. आपल्या निष्क्रिय खात्याला योग्यरितीने न वापरल्यास आपण आपले पैसेही गमावू शकतात. समजा आपल्याकडे अशी चार बँक खाती आहेत ज्यात किमान शिल्लक रक्कम ही 10,000 रुपये असणे आवश्यक आहे.
>> यावर तुम्हाला 4 टक्के दराने वार्षिक व्याज मिळेल. त्यानुसार तुम्हाला सुमारे 1600 रुपयांचे व्याज मिळेल. आता जर आपण ही सर्व खाती बंद केली आणि ही रक्कम म्युच्युअल फंडामध्ये गुंतवणूक केली तर येथे तुम्हाला किमान 10 टक्के परतावा मिळू शकेल.
खाते बंद करण्याचा फॉर्म भरा
आपले खाते बंद करताना आपल्याला डी-लिंकिंग चा फॉर्म भरावा लागेल. आपले खाते बंद करण्याचा फॉर्म हा आपल्या बँकेच्या शाखेत उपलब्ध असतो.
>> या फॉर्ममध्ये खाते बंद करण्याचे कारण आपल्याला द्यावे लागेल. जर तुमचे खाते जॉईंट अकाउंट असेल तर फॉर्मवर असलेल्या सर्व खातेदारांची सही त्यासाठी आवश्यक असते.
>> तुम्हाला एक दुसरा फॉर्मही भरावा लागेल. यामध्ये तुम्हाला ज्या खात्यात तुमबंद खात्यातील उर्वरित पैसे ट्रान्सफर करायचे आहेत त्याची माहिती द्यावी लागेल.
>> आपले खाते बंद करण्यासाठी तुम्हाला स्वतः बँकेच्या शाखेत जावे लागेल.
खाते बंद करण्याचे शुल्क किती आहे?
खाते उघडल्यानंतर 14 दिवसांच्या आत खाते बंद करण्यासाठी बँका कोणत्याही प्रकारचे शुल्क आकारत नाहीत. जर आपण खाते उघडल्यानंतर 14 दिवसानंतर आणि ते एक वर्ष पूर्ण होण्यापूर्वी बंद केले तर आपल्याला खाते बंद करण्याचसाथीचे शुल्क द्यावे लागेल. साधारणत: एका वर्षापेक्षा जास्त जुने खाते बंद केल्याने क्लोजर चार्ज लागत नाही.
हे कागदपत्र द्यावे लागेल?
बँक आपणास न वापरलेले चेकबुक आणि डेबिट कार्ड बँक बंद करण्याच्या फॉर्मसह जमा करण्यास सांगेल.
आपल्या खात्यात पैसे असल्यास?
खात्यात पडलेले पैसे रोख (केवळ २०,००० रुपयांपर्यंत) दिले जाऊ शकतात. आपल्याकडे हे पैसे आपल्या इतर बँक खात्यात ट्रान्सफर करण्याचा पर्याय देखील उपलब्ध असतो.
हे देखील लक्षात ठेवा
आपल्याकडे आपल्या खात्यात अधिक पैसे असल्यास, बंद प्रक्रिया सुरू करण्यापूर्वीच ते दुसर्‍या खात्यात ट्रान्सफर करा. खाते बंद झाल्याचा उल्लेख असलेले खात्याचे अंतिम स्टेटमेंट तुमच्याकडे ठेवा.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.