नवी दिल्ली । तुम्हाला रेशन कार्ड (Ration Card) रद्द करण्या संबंधित काही मेसेज असेल … किंवा तुम्ही अशा काही बातम्या ऐकल्या आहेत का? तसे असल्यास सावधगिरी बाळगा. काही दिवसांपासून एक बातमी मोठ्या प्रमाणात व्हायरल होत आहे, ज्यामध्ये असे लिहिले आहे की, केंद्र सरकारने तीन महिने रेशन न घेतल्यास रेशन कार्ड रद्दबातल करण्याचे निर्देश दिले आहेत. या बातमीचा वेगाने प्रसार झाल्यानंतर पीआयबीला त्याची सत्यता समजली. चला तर मग जाणून घेउयात कि आपले रेशन कार्ड तर रद्द झाले नाही ना.
पीआयबीने ट्विट केले
पीआयबीने ट्वीटद्वारे माहिती दिली की, काही माध्यमांच्या वृत्तानुसार असा दावा केला जात आहे की, केंद्र सरकारने राज्य सरकारांना सूचना दिल्या आहेत की, तीन महिने रेशन घेतले नाही तर रेशनकार्ड रद्द केले जाऊ शकते.
हा दावा पूर्णपणे बनावट आहे
पीआयबीने केलेल्या फॅक्ट चेक नुसार हा दावा पूर्णपणे बनावट आहे. केंद्र सरकारने अशी कोणतीही मार्गदर्शक सूचना दिलेली नाही. तर तुम्हालाही असा कोणताही मेसेज किंवा माहिती मिळाली असेल तर त्याच्यावर अजिबात विश्वास ठेवू नका.
सरकारने स्पष्टीकरण जारी केले
आता याबाबत स्पष्टीकरण शासनाने जारी केले आहे. यात असे म्हटले आहे की, हा दावा खोटा आहे आणि सरकारच्या वतीने राशन कार्ड नवीन नियमात कोणताही बदल करण्यात आलेला नाही. म्हणजेच या तीन महिन्यांच्या चर्चेच्या बातम्या निराधार आणि चुकीच्या आहेत.
आपण एक मेसेज तपासू शकता
आपल्यालाही असा मेसेज मिळाला असल्यास आपण ते पीआयबीला https://factcheck.pib.gov.in/ वर किंवा व्हॉट्सअ‍ॅप नंबर +918799711259 वर किंवा फॅक्ट चेकसाठी ईमेल: [email protected] पाठवू शकता. ही माहिती पीआयबी वेबसाइट https://pib.gov.in वर देखील उपलब्ध आहे.
फेक न्यूज वाढत आहे
कोरोना युगात देशभरात ज्या प्रकारची परिस्थिती आहे, त्यामध्ये अशा अनेक बनावट बातम्या मोठ्या प्रमाणात व्हायरल होत आहेत. भारत सरकारच्या प्रेस इन्फर्मेशन ब्युरोने या व्हायरल बातमीचा इन्कार करत म्हटले आहे की, सरकारने असा कोणताही निर्णय घेतलेला नाही. कोरोना कालावधीत अशा बनावट बातम्यांचा प्रसार होऊ नये म्हणून सरकारनेही अनेक प्रयत्न केले आहेत.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.