हॅलो महाराष्ट्र । प्रत्येक माणसाचे एक स्वप्न असते कि आपण संपूर्ण जग फिरावे आणि आपल्या आवडत्या ठिकाणांना भेटी द्याव्यात, परंतु त्यासाठी जर कोणी आपल्याला सायकल दिली तर कदाचित आपले स्वप्न क्षणभंगुर होईल. पण ब्रिटनमध्ये मात्र एका युवकाने हे करून दाखवले आहे. कदाचित हा युवक इतरांपेक्षा वेगळाच असेल कारण त्याने संपूर्ण जग फिरण्यासाठी एक सायकल निवडली आणि ती देखील फक्त एकच चाक असणारी.
या युवकाने एक चाक असणाऱ्या सायकलवर तीन वर्षात संपूर्ण जगाचा प्रवास केला. इतकेच नाही त्याने या प्रवास दरम्यान चॅरिटी साठी अडीच कोटी रुपये देखील जमवले. 19 वर्षीय एड प्रॅट मार्च 2015 मध्ये टाउटन येथील सॉमरसेट येथून आपल्या प्रवासास सुरुवात केली होती. या एक चाक वाल्या सायकलवरून त्याने 21000 मैलाचा प्रवास केला आहे.
तो प्रवास करीत असताना आपल्याला आवश्यक असणाऱ्या वस्तू म्हणून एड्ने एक 36 इंच निंबस ओरॅकल युनिसायकलीशी जोडलेला एक तंबू, सो बॅगिंग, स्टोव्ह, काही खाद्यपदार्थांसारख्या वस्तू घेतल्या. त्याने हा प्रवास कोणाचीही मदत आणि समर्थन न घेता पूर्ण केला आहे. एडने सोशल साइट्सवर या प्रवासाचे फोटोही देखील पोस्ट केलेले आहेत. अनेक देशांच्या खास ठिकाणांवर त्याने हे फोटो घेतलेले आहेत. आपल्या सायकल वरून एड्ने दक्षिण एशिया आणि युरोप मधील 20 पेक्षा जास्त देशांना भेट दिली.
गेल्या शुक्रवारी एडने आपल्या सॉमरसेट येथील चॅरिटी हेडक्वार्टरमध्ये आपली यात्रा समाप्त केली. यावेळी त्याचे मित्र, फॅमिलीने त्याचे स्वागत केले. एडच्या आई-वडिलांने सांगितले की, संपूर्ण जग फिरण्यासाठी एडने शाळा सोडली. त्यांनी सांगितले कि एडला चॅलेंजिंग आणि एडवेंचर करायला खूपच आवडते.
ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.