हॅलो महाराष्ट्र ऑनलाईन | सध्या रशिया व युक्रेन या देशांमध्ये युद्धजन्य परिस्थिती निर्माण झालेली आहे. भारतीय विद्यार्थी- नागरिकांना युक्रेनमध्ये अडकले आहेत. त्यांना आज मायदेशी आणले जाणार आहे. या संदर्भात आज उपमुख्यमंत्री अजित पवार यांनी महत्वाचे विधान केले आहे. “366 भारतीय विद्यार्थ्यांची नोंद आमच्याकडे झाली आहे. त्यातील 32 जण आज मायदेशी परततील. 1 वाजून 40 मिनिटांनी 240 विद्यार्थी मायदेशी परतणार आहेत. त्या विद्यार्थ्यांना घरी जाण्यासाठी आम्ही सर्व व्यवस्था करत आहोत, असे पवार यांनी सांगितले.
अजित पवार यांनी आज माध्यमांशी संवाद साधला. यावेळी ते म्हणाले की, रशियानेच युक्रेनवर हल्ला केला आहे आहे. किती दिवस जिवंत राहील हे सांगता येणार नाही हे युक्रेनच्या राष्ट्रपतींनी सांगितलं आहे. भारतीय विद्यार्थी युक्रेनमध्ये अडकले आहेत. 366 विद्यार्थ्यांची नोंद आमच्याकडे झाली आहे. त्यातील 32 जण आज मायदेशी परततील. त्या विद्यार्थ्यांना घरी जाण्यासाठी आम्ही सर्व व्यवस्था करत आहोत. राज्य सरकारकडून युक्रेनमधील अडकलेल्या विधार्थ्याची दंगल घेण्यात आलेली आहे. अजूनही कोणी विद्यार्थी अडकले आहेत का? याची माहिती घेतली जात आहे.
दरम्यान युक्रेनमध्ये अडकलेल्या विध्यार्थ्यांना परत मायदेशी आणण्यासाठी गेलेले एअर इंडियाचे विशेष विमान रोमची राजधानी बुखारेस्टमध्ये पोहोचले आहे. युक्रेनमध्ये अडकलेल्या नागरिकांना रोम मार्गे भारतात आणण्यात येणार आहे.
