नवी दिल्ली । Gold Investment: या दिवाळीतही जर आपण सोनं विकत घेण्याचा विचार करत असाल तर, दागदागिन्या व्यतिरिक्त तुम्ही अनेक मार्गांनी सोन्यात गुंतवणूक करू शकता. सोन्यात गुंतवणूक करण्यासाठी केवळ दागिने खरेदी करणेच आवश्यक नाही.
तर आज आम्ही आपल्याला सांगणार आहोत की, आपण 4 मार्गांनी सोने कसे खरेदी करू शकता. ज्वेलरी व्यतिरिक्त तुम्ही गोल्ड म्युच्युअल फंड, डिजिटल गोल्ड आणि सोव्हरेन सोन्याच्या बाँडमध्ये गुंतवणूक करू शकता. गुंतवणूकीच्या बाबतीत हे पर्याय खूप चांगले आहेत. चला तर मग या पर्यायांबद्दल आपल्याला सविस्तरपणे जाणून घेउयात.
फिझिकली गोल्ड – सोन्यात गुंतवणूक करण्यासाठी दागिने हा सर्वात जुना पर्याय आहे. पूर्वीच्या काळात लोकं सोन्याचे दागिने हा गुंतवणूकीचा एक उत्तम पर्याय मानत असत. किंवा नाण्यांमध्ये गुंतवणूक करत असत. आपण ज्वेलर्सच्या दुकानातून ऑनलाइन सोनेही खरेदी करू शकता.
Gold Mutual Funds – आजच्या काळात गुंतवणूकदार म्युच्युअल फंडाद्वारे सोन्यातही गुंतवणूक करत आहेत. या वेळेच्या बाजारात म्युच्युअल फंडाचे अनेक प्रकार आहेत, ज्यामध्ये आपण गुंतवणूक करू शकता. सध्या हे सर्व MF बाजारातील चढ-उतार नुसार परतावा देतात.
Digitally Gold – याशिवाय तुम्ही डिजिटल सोन्यातही गुंतवणूक करू शकता. अ‍ॅप किंवा मोबाइल वॉलेटद्वारे आपण त्यात पैसे गुंतवू शकता. याशिवाय, ब्रोकर्स कंपन्या एमएमटीसी-पीएएमपी किंवा सेफगोल्डला टाय अप करून सोन्याची विक्री करतात. तसेच आपण कमोडिटी एक्सचेंजद्वारे खरेदी-विक्री करू शकता.
Sovereign gold bond – सॉव्हरेन गोल्ड बॉन्ड ही एक योजना आहे जी सरकार चालवते. यात सरकार स्वस्तात सोने खरेदी करण्याची संधी देते. ही योजना 2015 मध्ये सुरू करण्यात आली होती. सॉव्हरेन गोल्ड बॉन्ड्समध्ये आपल्याला वार्षिक 2.5 टक्के व्याज देखील मिळते. त्याचा मॅच्युरिटी पिरिअड आठ वर्षांचा आहे.
सर्वसामान्यांसाठी यामध्ये गुंतवणूकीची कमाल मर्यादा चार किलो आहे, तर हिंदु अविभाजित कुटुंबासाठी (HUF) ही मर्यादा चार किलो आहे आणि ट्रस्ट साठी ती 20 किलो आहे. गेल्या काही वर्षांमध्ये सॉव्हरेन गोल्ड बॉन्डमध्ये लोकांचा कल वेगाने वाढला आहे.
महाराष्ट्राच्या कानाकोपऱ्यातील ब्रेकिंग बातम्या थेट मोबाईलवर मिळवण्यासाठी आमचा 8080340221 हा संपर्क क्रमांक Hello News या नावाने सेव्ह करा.