हॅलो महाराष्ट्र ऑनलाइन | औरंगाबाद येथील वैजापूरजवळ लग्नाचे वऱ्हाड घेऊन जाणाऱ्या एका आयशर गाडीची दुसऱ्या आयशरला धडक बसून अपघात झाला. पहाटे 3 च्या सुमारास हा अपघात झाल्याची माहिती आहे. या अपघातात चार जणांचा मृत्यू झाल्याची माहिती समोर आली आहे. तर 22 हून अधिक जण जखमी झाले आहेत. जखमींना जवळच्या रुग्णालयात उपचारासाठी दाखल करण्यात आलं आहे.
वैजापूर तालुक्यातील औरंगाबाद लासूर रोडवरील हा भीषण अपघात झाला. पोलिसांनी दिलेल्या माहितीनुसार या वाहनातून वऱ्हाडी औरंगाबाद वरून नाशिककडे लग्न समारंभासाठी निघाले होते. पहाटे तीन वाजेच्या सुमारास दोन्ही आयशरमध्ये हा अपघात झाला आहे. अपघातात 22 जण जखमी तर 4 जण जागीच मृत्यूमुखी झाल्याची माहिती वैजापूर पोलिसांनी दिली आहे.
पहाटे तीन वाजेच्या सुमारास झालेल्या या अपघाताची माहिती मिळताच वैजापूर पोलीस घटनास्थळी दाखल झाले होते. जखमींना तात्काळ रुग्णालयात हलवण्यात आहे. यातील किरकोळ जखमी रुग्णांवर वैजापूर येथील खाजगी रुग्णालयात उपचार सुरू असून, गंभीर जखमी रुग्णांना औरंगाबादच्या घाटीत हलवण्यात आले आहे.