मे महिन्यात बँका १३ दिवस बंद ? जाणुन घ्या खरी गोष्ट

हॅलो महाराष्ट्र ऑनलाईन । देशात कोरोनाव्हायरस साथीच्या आजारामुळे लॉकडाउन सुरु आहे,ज्यामुळे बरेच लोक खोट्या बातम्या आणि अफवा पसरत आहेत.आताही अलीकडे अशी बातमी आलेली आहे की येत्या मे महिन्यात एकूण १३ दिवस बँका बंद असतील? आम्ही तुम्हाला सांगतो की असे काहीही होणार नाही.माध्यमांमध्ये अशी बातमी समोर आली आहे की,बँका या १३ दिवसांसाठी बंद राहतील,तर तपासणीनंतर ही बातमी चुकीची असल्याचे सिद्ध झाले आहे.येत्या महिन्यात कोणत्याही दिवसांसाठी कोणत्याही सार्वजनिक आणि खासगी बँका या बंद राहणार नाहीत.या संपूर्ण बातमीचे सत्य जाणून घ्या: –

अफवाः येत्या ७ मे रोजी बौद्ध पूर्णिमा,रवींद्रनाथ टागोर जयंती ८ मे, शब-ए-कादर २१ मे, जमात-उल-विदा २२ मे रोजी आणि २३ मे रोजी ईद अल-फ्रित्रसारख्या उत्सवांमुळे काही शहरांमध्ये तसेच राज्यात १३ दिवस बँका बंद राहतील.या अहवालानुसार १ मे रोजी कामगार दिन, चार रविवार आणि २ नॉन-वर्किंग शनिवारी असे मिळून या महिन्यात एकूण १३ दिवस बँका बंद राहतील.

तपास: देशातील दुसर्‍या क्रमांकाची बँक असलेल्या पंजाब नॅशनल बँकेने जाहीर केलेल्या वर्षाच्या कॅलेंडरनुसार – हे अहवाल खोटे असल्याचे दिसून आले आहे. कॅलेंडरनुसार या महिन्यात बँकिंग क्षेत्रात ऑफ-डे ची संख्या कमी आहे.

कोरोना विषाणूमुळे देशातील सर्व भागात लॉकडाउन दरम्यान बँका मर्यादित तासच कार्यरत आहेत.सकाळी १० ते दुपारी २ या दरम्यान बर्‍याच भागातील शाखा ग्राहकांसाठी खुल्या आहेत. तथापि, आवश्यक सेवा आणि कामकाजाच्या अंतर्गत देशातील सर्व भागात एटीएम मशीन्स चोवीस तास सुरु राहणार आहेत.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.

You might also like