हॅलो महाराष्ट्र ऑनलाईन । तुम्हाला बजरंगी भाईजानची मुन्नी आठवत असेल,हर्षाली मल्होत्रा असे तिचे नाव आहे. हर्षालीने सलमान खानच्या ‘बजरंगी भाईजान’ चित्रपटात मुन्नीची भूमिका साकारली होती.हर्षाली मल्होत्राने तिच्या गोंडस अभिनय आणि उत्कृष्ट अभिनयाच्या जोरावर सर्वांची मने जिंकली होती.हर्षाली आता मोठी होत आहे,काही दिवसांत ती १२ वर्षांची होईल.हल्ली सोशल मीडियावर हर्षली बरीच अ‍ॅक्टिव रहात असते, बर्‍याचदा हर्षाली तिचे फोटो आणि व्हिडिओ शेअर करते आहे.सध्या कोरोना विषाणूचा कहर वाढतच आहे आणि अशा परिस्थितीत सर्व स्टार्स आपापल्या घरीच आहेत, घरी राहून हर्षाली मल्होत्रा चांगलीच कंटाळली आहे.
रविवारी हर्षाली मल्होत्राने तिच्या इंस्टाग्राम अकाउंटवर एक मजेदार व्हिडिओ शेअर केला आहे. व्हिडिओमध्ये हर्षाली म्हणत आहे- ‘कोणाकडे अनिल कपूरचा नंबर आहे का,तिला मिस्टर इंडियाचे घड्याळ पाहिजे आहे, काही वेळ बाहेर जाण्यासाठी.’ असं म्हणत हर्षाली जोरात हसू लागली. हर्षालीचा हा व्हिडिओ लोकांना चांगलाच आवडला आहे. व्हिडिओ पहा-
हर्षालीने बजरंगी भाईजानशिवाय अनेक टीव्ही मालिका आणि अ‍ॅड फिल्ममध्येही काम केले आहे. अभिनयाबरोबरच हर्षलीला गाण्याचीही आवड आहे. सलमान खानप्रमाणेच आपणही सुपरस्टार व्हावे अशी हर्षालीची इच्छा आहे
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.