कोरोनाचा हाहाकार! देशातील रुग्णांची संख्या पोहोचली ३ हजार ५७७ वर

वृत्तसंस्था । भारतात कोरोनाबाधितांची संख्या झपाट्यानं वाढत आहे. देशातील करोना रुग्णांची संख्या रविवारी सायंकाळपर्यंत ३ हजार ५७७ वर पोहोचली होती. देशातील कोरोनाबाधितांचा वाढलेला आकडा चिंता वाढवणारा असून एकूण मृतांची संख्याही ८३ वर गेली असल्याची माहिती केंद्रीय आरोग्य मंत्रालयानं दिली आहे. सर्वात गंभीर बाब म्हणजे संपूर्ण देशात गेल्या २४ तासांमध्ये ५०५ रुग्णांची भर पडली आहे.

दरम्यान, देशातील सर्वाधिक कोरोनाबाधित रुग्णांची नोंद एकट्या मुंबईत झाली आहे. तर राज्यात आढळलेल्या कोरोनाबाधितांपैकी निम्मे मुंबईतील आहेत. त्यामुळं मुंबईच्या पर्यायानं राज्याच्या चिंतेत वाढ झाली आहे. शेवटच्या आकडेवारीनुसार राज्यातील एकूण कोरोनाबाधितांचा आकडा ६९० वर पोहोचला असून त्यापैकी ४३३ कोरोनाग्रस्त एकट्या मुंबईत आहेत.

मुंबईतील वरळी, धारावी, जोगेश्वरी, ग्रॅण्ट रोड ही ठिकाण कोरोनाची हॉटस्पॉट आहेत. आज दिवसभरात मुंबईत १०३ नव्या कोरोनाबाधित रुग्ण आढळले आहेत. सर्वाधिक ५८ कोरोनाबाधित रुग्ण वरळीत आढळले आहेत. तर ८ जणांच्या मृत्यूची नोंद आतापर्यंत मुबंईत झाली आहे.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’

हे पण वाचा –

‘कोरोना’ आणि ‘व्हायरस’ नावाची भानगड नक्की काय आहे ?

पुण्यात करोनाने घेतला दोघांचा बळी; राज्यातील मृतांचा आकडा वाढला

राज्यातील लॉकडाउन काही आठवडे आणखी लांबणार?; राजेश टोपेंनी दिले संकेत

अंडरवर्ल्ड डाॅनची क्वीन’वर नजर; पॅरोलवर सुटताच डॅडी अरुण गवळीचा नवा ‘गेम

उद्धव ठाकरेंनी जिचं कौतुक केलं ‘ती’ आराध्या आहे तरी कोण..