हॅलो महाराष्ट्र । देशातील सर्वात मोठी सार्वजनिक क्षेत्रातील बँक असलेल्या स्टेट बँक ऑफ इंडियाची ऑनलाइन बँकिंग सेवा ठप्प झाली आहे. बँकेने एका ट्वीटद्वारे याबाबतची माहिती दिली आहे. मात्र, एटीएम आणि पीओएस मशीनवर याचा काहीच परिणाम होत नाही. बँकेने आपल्या ट्विटमध्ये लिहिले आहे की, आम्ही आमच्या ग्राहकांना आमच्याबरोबर रहाण्याची विनंती करतो आहे. लवकरच सामान्य सेवा पुन्हा सुरू होतील. बँकेने सांगितले की, कनेक्टिव्हिटीच्या समस्येमुळे ग्राहकांना ऑनलाइन बँकिंग सेवा वापरण्यास अडचणी येत आहेत.
मात्र आपण एटीएममधून पैसे काढू शकता आणि कार्ड वापरून खरेदीही करू शकता. स्टेट बँक ऑफ इंडियाने आपल्या ग्राहकांकडे या गैरसोयीबद्दल दिलगीरी व्यक्त केली आहे आणि ग्राहकांनी थोडे सहकार्य करावे असे ट्विट करून सांगितले आहे.
एसबीआय पुढे म्हणाले की, दुपारपूर्वी सेवा पूर्ववत केल्या जातील. एसबीआयच्या अनेक ग्राहकांनी मायक्रो-ब्लॉगिंग वेबसाइट ट्विटरवर या त्रुटींविषयीची माहिती दिली आहे. एसबीआयचे योनो अॅप युझर्सही या अॅप द्वारे त्यांची खाती वापरु शकत नाही आहेत.
एका युझरने ट्विटरवर लिहिले की, बँकेने ट्विटरवर पोस्ट करण्याऐवजी ‘ही’ महत्वाची नोटीस एसएमएसद्वारे सर्व ग्राहकांना पाठवायला हवी होती.
दुसर्‍या एका युझरने म्हंटले की, ते कालपासून ऑनलाईन बँकिंग वेबसाइट आणि यूपीआय वापरु शकत नाही. कालपासून एसबीआय युझरना त्रास होत आहे.
30 पेक्षा जास्त देशांमध्ये एसबीआयची सर्व्हिस आहे. एसबीआयचे 6.6 कोटीहून अधिक ग्राहक मोबाइल बँकिंग आणि एटीएम सुविधांचा वापर करतात.
ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.