नवी दिल्ली । सोशल मीडियावर सध्या एक बातमी मोठ्या प्रमाणात व्हायरल होते आहे, ज्यामध्ये असा दावा केला जात आहे की बँकांना आता पैसे जमा आणि पैसे काढण्यासाठी फी भरावी लागणार आहे. या बातमीत असे सांगितले गेले होते की, बँक ऑफ बडोदाने कोणत्याही व्यवहाराशी संबंधित नियम बदलले आहेत. या बातमीचा तपास केला असता, हा दावा खोटा असल्याचे निदर्शनास आले. पीआयबी फॅक्ट चेकने याबाबतचे ट्वीट जाहीर केले असून बचत बँकांमध्ये रोख जमा आणि रोख रक्कम काढण्याचे शुल्क वाढविण्यात आले नसल्याची माहिती बँक ऑफ बडोदाने दिली आहे.
दाव्यामध्ये सांगितल्यानुसार अशाप्रकारे शुल्क आकारले जाईल
बँक ऑफ बडोदा 1 नोव्हेंबरपासून आपल्या ग्राहकांसाठी काही बदल अंमलात आणणार आहे. हे बदल बँकेचे करंट अकाउंट, ओवरड्राफ्ट अकाउंट, कॅश क्रेडिट अकाउंट, सेविंग्स अकाउंट आणि इतर अकाउंट्स साठी पैसे रोख रक्कम जमा आणि पैसे काढण्याशी संबंधित सर्व्हिस चार्ज आणि चेकबुकशी संबंधित आहेत. म्हणजेच 1 नोव्हेंबरपासून ठरलेल्या मर्यादेपेक्षा अधिक बँकिंग करण्यासाठी स्वतंत्र फी भरावी लागेल. बँक ऑफ इंडिया, पीएनबी, अ‍ॅक्सिस आणि सेंट्रल बँक लवकरच यावर निर्णय घेणार आहेत.
पैसे काढणे आणि डिपॉझिट्स बाबत असे दावे केले जात होते …
पैसे काढताना शुल्क आकारले जाईल
> करंट अकाउंट / ओव्हरड्राफ्ट / सीसी वरुन बेस ब्रँच, स्थानिक नॉन-बेस ब्रँच आणि बाहेरील ब्रँचमधून महिन्यात 3 वेळा कॅश काढणे (एटीएममधून पैसे काढणे समाविष्ट नाही).
> चौथ्यांदापासून प्रत्येक व्यवहारासाठी 150 रुपये शुल्क आकारले जाईल.
> मेट्रो-अर्बन शाखेत बचत खात्यातून महिन्यात 3 वेळा रोख रक्कम काढणे (एटीएममधून पैसे काढणे वगळता) फ्री असेल.
> यानंतर चौथ्यांदा प्रत्येक व्यवहारासाठी 125 रुपये शुल्क आकारले जाईल.
> ग्रामीण / नीम-शहरी ब्रान्चमध्ये सेविंग्स अकाउंट, पेंशनर अकाउंट आणि सीनियर सिटीजन अकाउंट मधून महिन्यातून 3 वेळा कोणत्याही शाखेतून रोख रक्कम काढता येते. यानंतर चौथ्यांदा प्रत्येक व्यवहारासाठी 100 रुपये शुल्क आकारले जाईल.
पैसे जमा केल्यावर इतके शुल्क आकारले जाईल
> करंट अकाउंट / ओव्हरड्राफ्ट / कॅश क्रेडिट / अन्य खात्यांसाठी नोव्हेंबरपासून बेस व स्थानिक नॉन-बेस शाखेत कॅश हँडलिंग चार्ज, प्रत्येक खात्यावर रू.1 लाखाहून अधिक कॅश जमा केल्यावर, प्रती 1000 रुपयांवर 1 रुपये रुपये असेल.
> हे शुल्क किमान 50 रुपये आणि जास्तीत जास्त 20000 रुपये असेल.
> बाहेरगावच्या शाखेत कोणताही बदल झालेला नाही. हा शुल्क दरमहा 25000 रुपयांपेक्षा जास्त रकमेच्या कॅश ठेवीवर प्रति प्रति 1000 रुपयांवर 2.50 रुपये आहे.
> मेट्रो-शहरी शाखेत अस्तित्त्वात असलेल्या बचत खात्यात 3 वेळा रोख रक्कम जमा केल्यानंतर चौथ्यांदा, प्रत्येक ठेवीसाठी 50 रुपये शुल्क आकारले जाईल.
> ग्रामीण / नीम-शहरी शाखेत तीन वेळा जमा करण्यासाठी कोणतेही शुल्क लहणार नाही, चौथ्यांदा तुम्हाला प्रत्येक वेळी 40 रुपये द्यावे लागतील.
> याशिवाय जर एका दिवसात 50000 किंवा त्याहून अधिक रोख नमूद केलेल्या खात्यात जमा केली तर ग्राहकाने आपले पॅन बँकेला सांगावे व फॉर्म 60 भरावा लागेल.
ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.