हॅलो महाराष्ट्र ऑनलाईन । सिंगापूरमध्ये कोरोना विषाणूचा वाढता प्रसार थांबविण्यासाठी तेथील सरकारने एक महिन्यासाठी देशात संपूर्ण बंदची घोषणा केली आहे. सिंगापूरचे पंतप्रधान ली सिएन लूंग यांनी कोरोना विषाणूचा सामना करण्यासाठी महिनाभर बंदी घालण्याची घोषणा केली. सिंगापूरमध्ये कोरोना-संक्रमित रुग्णांची संख्या १,११४ वर पोहोचली आहे, तर पाच जण मृत्यूमुखी पडले आहेत.
यापूर्वी सिंगापूरच्या आरोग्य मंत्रालयाने मंगळवारी सांगितले की, देशात संक्रमित लोकांची संख्या ९०० च्या आसपास गेली आहे. मंत्रालयाने म्हटले होते की यापैकी २४ नवीन प्रकरणे परदेशातून आली आहेत. हे लोक युरोप, उत्तर अमेरिका, पश्चिम एशिया, दक्षिण पूर्व आशियाई राष्ट्र संघटना आणि आशियाच्या इतर भागांच्या सहलीमधून परत आले.
संसर्ग झालेल्यांमध्ये तीन भारतीयही होते. या तीन संक्रमित भारतीयांमध्ये दीर्घकालीन पास असलेली ३५ वर्षीय महिला आणि सिंगापूरमध्ये वर्किंग पास असलेल्या ३४ वर्षीय व्यक्तीचा समावेश आहे. दोघे नुकतेच भारतातून परतले होते. दुसर्‍या ३४ वर्षांच्या भारतीयातही हा रोग स्थानिक लोकांकडूनच पसरला. तसेच सिंगापूरमध्ये कायमचा रहिवासी असलेला एक ४३ वर्षीय व्यक्तीही संसर्गित होऊन परदेशातून आला होता आणि नुकताच तो भारतातही गेला होता.
मंत्रालयाने असे सांगितले होते की कोविड -१९ मधील रूग्णालयात उपचार सुरू असलेल्या ४२३ पैकी १९ जणांची प्रकृती चिंताजनक आहे. इतर स्थिर किंवा सुधारत आहेत.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’
हे पण वाचा –
‘कोरोना’ आणि ‘व्हायरस’ नावाची भानगड नक्की काय आहे ?
तबलिगी प्रकरण, मुस्लिमांना दोष आणि कायद्याचं खरं रुप – फैझान मुस्तफा
कोरोना विषाणूनंतरचं जग – युवाल नोआ हरारी
भारत कोरोना संक्रमणाच्या तिसऱ्या टप्प्यात आहे म्हणजे नेमकं काय?
दूरदर्शनवर भारत एक खोज अन् संविधान या मालिकादेखील लावाव्यात – पृथ्वीराज चव्हाण