हॅलो महाराष्ट्र ऑनलाईन | अल्पसंख्यांक मंत्री नवाब मलिक यांना आज तब्बल आठ तासांच्या चौकशीनंतर ईडीच्या वतीने अटक करण्यात आली. त्यांच्या अटकेनंतर भाजप नेते तथा केंद्रीयमंत्री नारायण राणे यांनी माध्यमांशी संवाद साधला. यावेळी नवाब मलिक आता ईडीसमोर बोल नाहीतर तुझ्या हातात विडी देतील, असे सांगत घणाघाती टीका केली.
मंत्री नारायण राणे यांनी आज माध्यमांशी संवाद साधला. यावेळी त्यांनी नवाब मलिक यांच्यावर करण्यात आलेल्या अटकेच्या कारवाई प्रकरणी प्रतिक्रिया दिली. यावेळी राणे म्हणाले की, हे तर होणारच होते. मंत्री मंडळात डी काय आणखी भरपूर कंपनीची माणसे आहेत. ईडी समोर आता बोल म्हणावं नायतर तुझ्या हातात विडी देतील, असे राणे यांनी म्हंटले.
दरम्यान मलिक यांना अतिक करण्यात आल्यानंतर आता भाजप नेत्यांकडून मलिक यांच्या मंत्रिपदाची राजीनाम्याची मागणी केली जात आहे. मलिक यांना आता कॅबिनेट मंत्रिपदावर हजर राहण्याचा अधिकार नाही. महाराष्ट्राचे मुख्यमंत्री तातडीने त्यांचा राजीनामा घेतील. अन्यथा आम्हाला आंदोलन करू, असा इशारा भाजप प्रदेशाध्यक्ष चंद्रकांत पाटील यांनी दिला आहे.
