हॅलो महाराष्ट्र ऑनलाईन । कोरोनाव्हायरस संकटात, करदात्यांना कोणतीही अडचण येऊ नये म्हणून केंद्र सरकारने अनेकदा इनकम टॅक्स रिटर्न फाइल (ITR Filing) करण्याची अंतिम तारीख वाढविली आहे. या प्रकरणात, करदात्यांनी दिलेल्या वेळेतच ITR दाखल केला पाहिजे. कोणत्याही करदात्यासाठी हे सर्वात महत्वाचे काम आहे कारण जर त्यांनी रिटर्न भरण्यात उशीर केला तर त्यांना बरेच फायदे मिळणार नाहीत. एकीकडे आयकर माफीचा (Income Tax Exemptions) कमी फायदा मिळतो, तर दुसरीकडे उशीरा ITR दाखल केल्यास करदात्याना दंडही भरावा लागेल.
व्याज दरमहा 1% दराने व्याज भरावे लागेल
जर करदात्यांना उशिरा ITR दाखल करण्याची सवय असेल तर त्यांनी ती सोडून द्यावी कारण यामुळे त्यांचेच नुकसान होईल. ITR दाखल करण्यास उशीर झाल्यास काय नुकसान सहन करावे लागेल ते जाणून घेउयात. सर्वप्रथम, उशिराने रिटर्न्स भरताना करदात्याला हाऊस प्रॉपर्टीचे नुकसान वगळता कॅरी फॉरवर्डचे कोणतेही नुकसान होऊ शकत नाही. त्याचबरोबर प्राप्तिकर कायद्याच्या कलम 234 A अंतर्गत करदात्यास 1 टक्के दराने महिन्याला साधारण व्याज द्यावे लागेल.
करदात्यांना दहा हजार रुपयांपर्यंत दंड आकारला जाऊ शकतो
आयटीआर उशिरा दाखल केल्यावर लेट फी (Late Filing Fees) आकारण्याचीही तरतूदही केंद्र सरकारने केली आहे. हि तरतूद सन 2018-19 या आर्थिक वर्षापासून करण्यात आली आहे. करदात्याने आकलन वर्ष (Assessment Year) नंतर ITR दाखल केल्यास मात्र 31 डिसेंबरपूर्वी, नंतर Late Filing Fees वसूल केली जाईल. त्याच बरोबर 31 डिसेंबर नंतर जर रिटर्न भरला तर करदात्याला 10,000 रुपये Late Filing Fees भरावी लागेल. मात्र, जर करदात्याचे वार्षिक उत्पन्न 5 लाख रुपयांपेक्षा जास्त नसेल तर उशीरा फी म्हणून एक हजार रुपयांपेक्षा जास्त शुल्क आकारले जाऊ शकत नाही.
करदात्यास आयकर सूट तसेच डिडक्‍शन मिळणार नाही
ITR दाखल करण्यास उशीर झाल्यामुळे करदात्यास प्राप्तिकरात मिळणारी सूट गमवावी लागेल. यामध्ये आयकर कायद्याच्या कलम -10 A आणि कलम -10 B अंतर्गत सूट मिळणार नाही. त्याचबरोबर, कलम -80IA, 80IAB, 80IC, 80ID आणि 80IE अंतर्गत दिलेली सूटही गमावली जाईल. याशिवाय इनकम टॅक्स रिटर्न फाइल उशिरा भरल्यामुळे करदात्यास कलम 80IAC, 80IBA, 80JJA, 80JJAA, 80LA, 80P, 80PA, 80QQB आणि 80RRB अंतर्गत डिडक्‍शनचा लाभ मिळणार नाही.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”