नवी दिल्ली । ब्रिटनमध्ये (UK) कोरोनाव्हायरसचा नवीन स्ट्रेन सापडल्यानंतर भारत सरकारने यूकेच्या सर्व फ्लाइटसवर बंदी घातल्या. ज्याला सरकार 6 जानेवारीपासून काढणार आहे. ब्रिटनमधील कोरोना विषाणूच्या नव्या स्ट्रेनमुळे भारतासह जवळपास 40 देशांनी हवाई प्रवासासह इतर मार्गांवरील वाहतुकीवर बंदी घातली होती. परंतु आता सरकारने ब्रिटनमध्ये आपल्या फ्लाइटसची सेवा पूर्ववत करण्याचा निर्णय घेतला आहे. या संदर्भात केंद्रीय नागरी उड्डयन मंत्री हरदीपसिंग पुरी म्हणाले की, भारत ते ब्रिटनला या फ्लाइटसची सेवा 6 जानेवारीपासून सुरू होईल. त्याचबरोबर ब्रिटनहून भारताकडे जाणारी फ्लाइटसची सेवा 8 जानेवारीपासून सुरू होणार आहे. यासह, त्यांनी सांगितले की, एका आठवड्यात दोन्ही देशांदरम्यान 30 फ्लाइटस सुरू होतील.
15-15 फ्लाइटस चालविली जातील
नागरी उड्डयन मंत्रालयाच्या मते, आठवड्यातून दोन्ही देशांमध्ये 15-15 फ्लाइटस चालविल्या जातील. त्याचबरोबर त्यांनी सांगितले की, सध्या ही सेवा 23 जानेवारीपर्यंत लागू करण्यात आली आहे. यादरम्यान सर्व काही सामान्य राहिल्यास फ्लाइटसची संख्या आणखी वाढविली देखील जाऊ शकते. ब्रिटनमध्ये कोरोना विषाणूचा नवीन स्ट्रेन सापडल्यानंतर केंद्र सरकारने 23 डिसेंबर ते 31 डिसेंबर या कालावधीसाठी ब्रिटनच्या सर्व फ्लाइटसचे काम थांबवले होते. त्याचबरोबर सरकारने नंतर ही बंदी 7 जानेवारीपर्यंत वाढवली.
भारत सरकारने SOPs जारी केले
भारत सरकारने ब्रिटनहून येणाऱ्या प्रवाश्यांसाठी SOPs जारी केल्या आहेत. ब्रिटनहून भारतात येणाऱ्या सर्व प्रवाशांना ही मार्गदर्शक तत्त्वे लागू असतील. या SOPs मध्ये म्हटले आहे की, ब्रिटनहून भारतात येणाऱ्या प्रत्येकासाठी कोरोना चाचणीचा रिपोर्ट निगेटिव्ह येणे बंधनकारक असेल. एअरलाइन्स कर्मचार्‍यांनाही उड्डाण घेण्यास परवानगी देण्यापूर्वी कोविड -१९ ची चाचणी घ्यावी लागेल, तरच त्यांना उड्डाण करता येईल. भारतात आल्यावर प्रवाशांना स्वत: च पैसे देऊन RT-PCR टेस्ट द्यावी लागेल. प्रवाशांचा रिपोर्ट निगेटिव्ह आल्यानंतरही त्यांना 14 दिवस त्यांच्या घरात क्वारंटाईन रहावे लागेल. हे SOPs 30 जानेवारीपर्यंत लागू राहतील. त्याअंतर्गत सर्व आंतरराष्ट्रीय प्रवाशांना त्यांची 14 दिवसांची ट्रॅव्हल हिस्ट्री दाखवावी लागेल.
प्रत्येक विमानतळावर हेल्प डेस्क बनविला जाईल
युकेकडून भारतात येणाऱ्या प्रवाशांना प्रवासाच्या किमान 72 तासांपूर्वी ऑनलाईन पोर्टलवर सेल्फ-डिक्लेरेशन पत्र सादर करावे लागेल. प्रवाशांना मदत करण्यासाठी प्रत्येक विमानतळावर हेल्प डेस्क तयार करण्याचीही चर्चा आहे. जे प्रवासी कोरोना बाधित असल्याचे आढळले आहे त्यांना राज्य आरोग्य विभागाकडे देण्यात येईल. त्यांचे नमुने पुढील तपासणीसाठी Genomics Consortium (INSTA COG) Labs कडे पाठविले जातील. या तपासणीत जर असे दिसून आले की, प्रवाशाला नवीन कोरोना विषाणूची लागण झाली आहे, तर त्याला एका स्वतंत्र खोलीत ठेवले जाईल आणि कोरोना निगेटिव्ह होईपर्यंत त्याचे उपचार चालू राहतील.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.