हॅलो महाराष्ट्र ऑनलाईन । शासकीय बँक असलेल्या कॅनरा बँकेने आपल्या कर्जाचे व्याज दर कमी करण्याची नुकतीच घोषणा केली आहे. रेपो रेट लिंक्ड इंटरेस्ट रेट (RLLR) हे ०.४० टक्क्यांनी कमी करण्यात आले आहेत. ते आता ६.९० टक्क्यांवर खाली आले आहे. बँकेने मार्जिनल कॉस्‍ट ऑफ फंड्स बेस्‍ड लेंडिंग रेट ही (एलसीएलआर)०.२० टक्क्यांनी कमी केलेला आहे. हे नवीन दर ७ जूनपासून लागू झालेले आहेत. याविषयी कॅनरा बँक म्हणते की,’ सर्व नवीन रिटेल लोन (गृहनिर्माण, शिक्षण, कार) आणि लघु उद्योगांना दिले जाणारे लोन (एमएसएमई) हे आरएलएलआरशी जोडले गेलेले आहेत. अलीकडेच इतर काही बँका जसे की पंजाब नॅशनल बँक, बँक ऑफ इंडिया आणि यूको बँक यांनी एमसीएलआरशी संबंधित रेपो दर आणि व्याज दरातही कपात केली आहे. स्टेट बँक ऑफ इंडियाने (एसबीआय) देखील ते कमी करण्याची घोषणा केली आहे.
कॅनरा बँकेच्या ग्राहकांची दरमहा EMIवर होईल बचत – कॅनरा बँकेकडून व्याज दर कमी केल्यावर एक वर्ष एमसीएलआर ७.५८ टक्क्यांवरून ७.६५ टक्क्यांपर्यंत खाली आला आहे. सहा महिन्यांसाठीचा एमसीएलआर हा ७.६० टक्क्यांवर आला आहे. एक दिवस आणि एक महिन्याचा एमसीएलआर ०.२०-०.२० टक्क्यांनी कमी करून ७.३० टक्के झाला आहे. एमसीएलआर कमी झाल्यामुळे बँकेचे घर, कार आणि वैयक्तिक कर्ज आणखीनच स्वस्त होईल.
रिझर्व्ह बँक ऑफ इंडियाने (आरबीआय) मे मध्ये रेपो दरात ०.४० टक्के कपात केली होती. त्याचा रेपो दर हा चार टक्के इतका करण्यात आला आहे. तेव्हापासून सर्व बँका आपल्या कर्जावरील व्याज दर कमी करत आहेत. ही कपात आरएलएलआर आणि एमसीएलआर या दोन्हीमध्ये केली गेली आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.