हॅलो महाराष्ट्र ऑनलाईन । आंतरराष्ट्रीय पातळीवर सोन्याच्या किंमती आजही खाली आलेल्या आहेत. कंपन्यांच्या तिमाही निकालाबद्दल आनंद व्यक्त करताना अमेरिकन सेंट्रल बँक फेडरल रिझर्व्ह यांनी सांगितले की, आगामी काळात वाढीबाबत चिंता आहे. पण कंपन्यांचे निकाल चकित करणारे असू शकतील. यामुळे भारतीय बाजारपेठेत गुरुवारी सोन्या-चांदीच्या किंमती खाली आल्या. तज्ञ म्हणतात की, सोन्याच्या किंमतीतील तेजीचा टप्पा आता थांबू शकतो. बँक ऑफ अमेरिका या मोठ्या रेटिंग एजन्सीने केलेल्या सर्वेक्षणात फंड मॅनेजर म्हणाले की, कोरोना लसीवर वेगाने काम सुरू असल्याने येत्या काही दिवसांत सोन्याच्या किंमती मोठ्या प्रमाणात घसरतील. अशी अपेक्षा आहे की हे 2021 च्या पहिल्या तिमाहीत होईल.
आता काय होईल?
या संकेतांमुळे आज देशांतर्गत सराफा बाजारातही सोन्याच्या किंमती घसरतील. यापूर्वी बुधवारी दिल्ली बुलियन बाजारपेठेतील 99.9 टक्के शुद्धतेच्या सोन्याचा भाव प्रति 10 ग्रॅम 54,909 रुपयांवरून घसरून 54,269 रुपये प्रति 10 ग्रॅम झाला. या काळात दर प्रति 10 ग्रॅम 640 रुपयांनी घसरले आणि त्याचवेळी मुंबईत 99.9 टक्के सोन्याचे दर प्रति दहा ग्रॅमवर घसरून 53424.00 रुपयांवर गेले.
सोन्याच्या दागिन्यांविषयी भारतात नवीन नियम लागू झाला आहे
देशात यापुढे हॉलमार्कशिवाय सोन्याच्या दागिन्यांची विक्री होणार नाही. मोदी सरकार पुढील वर्षाच्या जून महिन्यापासून सोन्यावर नवीन नियम लागू करेल. तसेच, नवीन ग्राहक संरक्षण कायदा 2019 लागू झाल्यानंतर सोन्याचे दागिने खरेदी करणार्‍या ग्राहकांना कोणतीही व्यक्ती फसवू शकणार नाही. हा नवीन कायदा लागू झाल्यानंतर दागिन्यांमध्ये आपली फसवणूक केल्यास कडक कारवाई केली जाईल. सोन्याच्या दागिन्यांसाठी आणि कलाकृतींसाठी हॉलमार्किंग सिस्टम पुढील वर्षी जूनपासून देशभरात लागू केली जाईल. हा नवीन ग्राहक संरक्षण कायदा लागू झाल्यानंतर प्रत्येकाने हॉलमार्किंगच्या नियमांचे पालन करणे बंधनकारक असेल.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.