हॅलो महाराष्ट्र ऑनलाइन | आयपीएलच्या चाहत्यांसाठी आता एक आनंदाची बातमी समोर आली आहे. कारण काही दिवसांपूर्वी आयपीएल युएईमध्ये होणार हे आयपीएलच्या प्रशासकीय समितीच्या अध्यक्षांनी सांगितले होते. आता आयपीएलची तारीख आणि वेळही जाहीर करण्यात आल्याचे समजते आहे.
यावर्षी आयपीएल युएईमध्ये होणार असून तर १९ सप्टेंबरपासून आयपीएलची सुरुवात होणार असल्याचे समजते आहे. त्याचबरोबर आयपीएलचे सामने रात्री आठ वाजता सुरु होणार, असेही सांगण्यात आले होते. पण युएई आणि भारताची वेळ पाहून आता आयपीएलचे सामना रात्री ७.३० वाजता सुरु करण्यात येणार आहे.
यापूर्वीही युएईमध्ये आयपीएल आयोजित करण्यात आली होती. त्यामुळे युएईला आयपीएलच्या आयोजनाचा चांगला अनुभव आहे. त्यामुळेच बीसीसीआयने युएईला पसंती दिल्याचे समजत आहे. आता तेथील सरकार आणि क्रिकेट संघटना बीसीसीआयला कसा पाठिंबा देते, यावर सर्व गोष्टी अवलंबून आहेत. कारण ट्वेन्टी-२० विश्वचषक स्पर्धा रद्द होईपर्यंत बीसीसीआय आयपीएल खेळवू शकत नव्हती. पण आता विश्वचषकही पुढे ढकलण्यात आला आहे. त्यामुळे आता बीसीसीआय काय करणार, याकडे सर्वांचे लक्ष लागलेले आहे.
आयपीएलसाठी लागणाऱ्या दोन महिन्यांचा मोठा प्रश्न आता सुटलेला आहे. पण अजूनही बरेच प्रश्न बीसीसीआयला सोडवायचे आहेत. त्यासाठी आता ७-१० दिवसांमध्ये बीसीसीआय एक महत्वाची बैठक बोलावणार आहे.
महाराष्ट्राच्या कानाकोपऱ्यातील ब्रेकिंग बातम्या थेट मोबाईलवर मिळवण्यासाठी आमचा 7972630753 हा संपर्क क्रमांक Hello News या नावाने सेव्ह करा. तुमचे नाव आणि जिल्हा आम्हाला इथे कळवा.
ब्रेकिंग बातम्यासाठी : www.hellomaharashtra.in