Monday, January 30, 2023

खुशखबर ! या धनत्रयोदशीला फक्त 1 रुपयात खरेदी करा सोने, कसे ते जाणून घ्या

- Advertisement -

नवी दिल्ली । भारतीयांना धनत्रयोदशी 2021 किंवा दिवाळीनिमित्त सोने खरेदी करायला आवडते. या दिवशी सोने खरेदी करणे शुभ मानले जाते. अशा परिस्थितीत जर तुम्ही सोने खरेदी करण्याचा विचार करत असाल तर तुम्ही 1 रुपयामध्येही सोने खरेदी करू शकता. डिजिटल गोल्ड हा तुमच्यासाठी चांगला पर्याय असू शकतो. तुम्ही Google Pay, Paytm, PhonePe सारख्या अनेक मोबाईल वॉलेट प्लॅटफॉर्मवर 1 रुपयात सोने खरेदी करू शकता.

डिजिटल गोल्डची खरेदी फिजिकल गोल्डपेक्षा पूर्णपणे वेगळी आहे. फिजिकल गोल्डमध्ये तुम्ही ज्वेलर्सच्या दुकानातून सोन्याचे दागिने किंवा बार किंवा कॉईन खरेदी करता आणि त्यांचा वापर करता, मात्र इथे तसे नाही. आपण येथे डिजिटल गोल्डमध्ये फिजिकली स्पर्श करू शकत नाही. सोन्याची शुद्धता किंवा सुरक्षेची चिंता नाही कारण इथे सोने शुद्ध आहे. गेल्या काही वर्षांत डिजिटल गोल्ड गुंतवणुकीचे प्रमुख माध्यम म्हणून उदयास आले आहे.

- Advertisement -

तुम्ही तुमच्या फोनवरून सोने खरेदी करू शकता
Google Pay प्लॅटफॉर्मवर खरेदी करण्यासाठी, तुम्हाला लॉगिन केल्यानंतर खाली स्क्रोल करावे लागेल आणि गोल्ड आयकॉनवर क्लिक करावे लागेल. यानंतर, मॅनेज युवर मनी मध्ये Buy Gold चा पर्याय निवडावा लागेल. येथे तुम्ही एक रुपयामध्ये सुद्धा डिजिटल गोल्ड खरेदी करू शकता. तसेच 3% GST भरावा लागेल. जर तुम्ही या प्लॅटफॉर्मवर 5 रुपयांचे डिजिटल गोल्ड खरेदी केले तर तुम्हाला 0.9 मिग्रॅ मिळेल. खरेदी व्यतिरिक्त सोन्याची सेल, डिलिवरी आणि गिफ्ट करण्याचाही पर्याय मिळेल. जेव्हा तुम्हाला गोल्ड विकावे लागते, तेव्हा तुम्हाला सेल बटणावर क्लिक करावे लागते. गिफ्टसाठी गिफ्ट करण्यासाठीचा पर्याय निवडावा लागतो.

तुम्ही Paytm वरही सोने खरेदी करू शकता
तुम्ही तुमच्या Paytm च्या पर्यायावर जा आणि Paytm Gold च्या पर्यायावर क्लिक करा. PhonePe वरून सोने खरेदी करण्यासाठी तुम्हाला Mymoney वर क्लिक करावे लागेल.