नवी दिल्ली । खासगी क्षेत्रातील आयसीआयसीआय बँक आणि अ‍ॅक्सिस बँकेने आपल्या ग्राहकांना मोठा धक्का दिला आहे. बँकेने म्हटले आहे की, आतापासून तुम्हाला नॉन- बिझनेस अवर्स मध्ये पैसे जमा करण्यासाठी आणि सुट्टीच्या दिवशी तुम्ही कॅश रीसायकलर्स आणि कॅश डिपॉझिट मशीनद्वारे पैसे भरण्या साठी फी भरावी लागेल सीएनबीसी टीव्हीच्या अहवालानुसार, आता तुम्ही जर सुट्टीचा वेळ किंवा बँकेच्या वेळेव्यतिरिक्त कॅश रीसायकलर आणि कॅश डिपॉझिट मशीन वापरली तर ग्राहकांकडून सुविधा फी म्हणून 50 रुपये आकारले जातील. बँकेच्या अधिसूचनेनुसार, आयसीआयसीआय बँक सुट्टीच्या दिवशी आणि कामकाजाच्या दिवशी संध्याकाळी 6 ते सकाळी 8 या वेळेत ग्राहकांकडून सुविधा फी म्हणून 50 रुपये घेईल.
या खात्यांवर शुल्क आकारले जाणार नाहीत
सीएनबीसी टीव्हीच्या अहवालानुसार ज्येष्ठ नागरिक, बेसिक सेव्हिंग्स बँक अकाउंट्स, जन धन अकाउंट्स, अपंग व दृष्टिबाधित खाती आणि स्टुडण्ट अकाउंटवर असे कोणतेही शुल्क आकारले जाणार नाही, असे बँकेने म्हटले आहे.
BoB ने ही फी सुरू केली
एका वृत्तानुसार बँक ऑफ बडोदानेही 1 नोव्हेंबरपासून आपल्या ग्राहकांना विहित मर्यादेपेक्षा अधिक व्यवहार करण्यासाठी शुल्क आकारण्यास सुरवात केली आहे. बँकेने सांगितले की, आता करंट अकाउंट मधून / ओव्हरड्राफ्ट / सीसीमधून महिन्यातून 3 वेळा बेस ब्रँच, लोकल नॉन-बेस ब्रँच आणि आउटस्टेशन ब्रँच मधून पैसे काढणे फ्री आहे. त्याच वेळी, चौथ्यांदा प्रत्येक व्यवहारासाठी 150 रुपये शुल्क आकारले जाईल.
पैसे जमा करण्यासाठी BoB कडून शुल्क आकारले जाते
करंट अकाउंट / ओव्हरड्राफ्ट / कॅश क्रेडिट / अन्य अकाउंट साठी, 1 नोव्हेंबरपासून बेस आणि लोकल नॉन-बेस ब्रँच मध्ये दरमहा 1 लाखाहून अधिक कॅश जमा केल्यास कॅश हँडलिंग चार्ज प्रति 1000 रुपयांवर 1 रुपये असेल.
अ‍ॅक्सिस बँकेने 1 ऑगस्टपासून सुविधा शुल्क देखील आकारले
या वर्षाच्या सुरूवातीस, अ‍ॅक्सिस बँकेने राष्ट्रीय आणि बँकेच्या सुट्टीनंतर बँकिंग आणि कॅश डिपॉझिट्सवर 50 रुपये शुल्क आकारण्यास सुरवात केली. ही सुविधा फी 1 ऑगस्टपासून लागू झाली.
पैसे काढणे तीन वेळा फ्री असेल
या अहवालानुसार असे म्हटले जात आहे की, पैसे काढणे एका महिन्यात तीनदा फ्री होईल, मात्र त्यानंतर, पैसे काढण्यासाठीचे ट्रान्सझॅक्शन चार्ज हा 150 रुपयांच्या फ्लॅट फीवर आकारला जाईल. त्याचप्रमाणे एका महिन्यात तीनदा डिपॉझिट फ्री असेल पण त्यानंतर प्रत्येक ट्रान्सझॅक्शनसाठी 40 रुपये शुल्क आकारले जाईल.
महाराष्ट्राच्या कानाकोपऱ्यातील ब्रेकिंग बातम्या थेट मोबाईलवर मिळवण्यासाठी आमचा 8080340221 हा संपर्क क्रमांक Hello News या नावाने सेव्ह करा.