हॅलो महाराष्ट्र ऑनलाईन । सरकार आता देशभरात टप्प्याटप्प्याने लॉकडाऊन बंद करत आहे. यासह देशभरातील देशांतर्गत पर्यटन उद्योगही हळूहळू वेग धरू लागलेला आहे. हे लक्षात घेता, डिजिटल पेमेंट प्लॅटफॉर्म असलेल्या ‘PhonePe ‘ने नुकतेच एक विशेष इन्शुरन्स कव्हर सुरू केले आहे. ही योजना एक डोमेस्टिक मल्टी इन्शुरन्स कव्हर आहे, जे PhonePe ने आयसीआयसीआय लोम्बार्ड सह सुरू केलेली आहे,याचा फायदा देशभरातील सर्व PhonePe यूजर्सना होईल. चला तर मग या योजनेबद्दल जाणून घेऊयात…
काय फायदे आहेत ?
जर आपणही PhonePe च्या या इन्शुरन्स कव्हरचा लाभ घेणार असाल तर आपल्याला प्रत्येक ट्रिपसाठी स्वतंत्र असे इन्शुरन्स कव्हर घेण्याची आवश्यकता नाही. यामध्येच आपण आपल्या व्यायसायिक तसेच वैयक्तिक ट्रिपवर देखील लाभ मिळवू शकाल. यामध्ये एका वर्षाच्या कव्हरसाठी तुम्हाला फक्त ४९९ रुपये द्यावे लागतील.
विमानाने प्रवास करणार्‍या लोकांसाठीही यात एक खास सुविधा आहे. म्हणजेच, जर आपल्याला कोणत्याही कारणास्तव रुग्णालयात दाखल केले गेले आणि त्यामुळे आपल्याला आपली ट्रिप रद्द झाली असेल तर यामध्ये काही फायदा मिळेल. जर शासनाने लॉकडाऊन केल्यामुळे आपली ट्रिप रद्द झाली असेल तर तुम्हाला रू.१००० पर्यंत भरपाई मिळेल. याव्यतिरिक्त, यात वैद्यकीय खर्च किंवा अपघातामुळे मृत्यूचा देखील समावेश असेल. त्यामध्ये तुम्हाला जास्तीत जास्त ५ लाख रुपये मिळू शकतात.
हे इन्शुरन्स कव्हर कसे खरेदी करावे ?
PhonePe यूजर्स डोमेस्टिक मल्टी-ट्रिप इन्शुरन्स कव्हर पॉलिसी अ‍ॅपच्या ‘माय मनी’ सेक्शनमध्ये जाऊन खरेदी करू शकतात. या संपूर्ण प्रक्रियेस २ मिनिटांपेक्षा कमी वेळ लागतो. या पॉलिसीची कागदपत्रे संपूर्ण प्रक्रियेनंतर ग्राहकांना त्वरित दिली जातील.
एका वर्षात अनलिमिटेड ट्रिपच्या बाबतीत, हे सर्वात परवडणारे इन्शुरन्स कव्हर आहे. याच्या लॉन्चनंतर, ग्राहकांना खात्री दिली जाऊ शकते की ते कोणत्याही ट्रांसपोर्टने देशभरात कुठेही प्रवास करू शकतात. प्रवासासाठी घराबाहेर पडण्यापासून ते घरी परत येण्याचा संपूर्ण वेळ यामध्ये समाविष्ट केला जाईल.
सध्या या प्रोडक्टचा लाभ खासकरुन त्यांना होईल जे या कोविड -१९ च्या संक्रमणा दरम्यान ट्रॅव्हल करीत आहेत. बर्‍याच वेळा त्यांची ट्रिप रद्द करावी लागेल. यासाठी त्यांना प्रत्येक ट्रिपसाठी स्वतंत्र इन्शुरन्स कव्हर घेण्याची गरज भासणार नाही.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.