हॅलो महाराष्ट्र ऑनलाईन । नुकताच सोशल मीडियावर एक व्हिडीओ व्हायरल झाला होता, ज्यामध्ये म्हशींची शर्यत सुरू होती. यानंतर, आणखी एक व्हिडिओ शेअर केला गेला आहे, जो पाहिल्यावर आपल्याला आपले हसु रोखता येणे अवघड होईल आणि हसताना आपण फक्त असेच म्हणाल की,’जशास तसे.’ या व्हिडिओमध्ये एका म्हशीला लाथ मारणे हे एका तरूणाला चांगलेच महागात पडले हे दिसून येते.
Karma has no menu.
It serves you what you deserve????And when it is instant….. pic.twitter.com/4HCGAn5iYy
— Susanta Nanda IFS (@susantananda3) May 25, 2020
या व्हिडिओत दोन तरुण त्यांच्या बाईक वरून जात असल्याचे दिसत आहे. त्यावेळी काही म्हशीना रस्त्यावर बांधले गेले असल्याचे दिसून येत आहे. यापैकी एक म्हैस ही रस्त्यावर उभी आहे. या बाईकवरील तरूणांना पुढे जाण्यासाठी पुरेशी जागा आहे तरीदेखील ते या म्हशीला उगाचच डिवचतात. बाईक म्हशीजवळ आल्यावर बाईकच्या मागील बाजूस बसलेला एक तरुण त्या म्हशीला जोरात लाथ मारतो आणि तेवढ्यातच तो आपला तोल गमावतो आणि एक झटका बसून जोरात खाली पडतो. त्याचवेळी दुसर्‍या युवकाचा देखील तोल बिघडतो आणि तो समोरच्या खांबाला आपली बाईक ठोकतो. या दोन्ही तरुणांना दुखापत होते.
वन सेवा अधिका-यांनी शेअर केला व्हिडिओ
हा व्हिडिओ भारतीय वनसेवा अधिकारी सुशांत नंदा यांनी सोशल मीडिया ट्विटरवर शेअर केला आहे. त्याच्या कॅप्शनमध्ये त्यांनी लिहिले आहे – “कर्मासाठी काही मेन्यू नसतो. आपण जसे करतो तसेच भरतो. आणि जेव्हा कर्माचे फळ हे लगेच मिळते तेव्हा…”
हा व्हिडिओ ७१ हजार लोकांनी पाहिला आहे
हा व्हिडिओ शेअर केल्यानंतर सुमारे ७१ हजार लोकांनी पाहिला आहे आणि ६,००० हून अधिक लोकांना हा व्हिडीओ आवडला आहे. त्याच वेळी १६०० लोकांनी याला रीट्वीट देखील केले आहे. २०० लोकांनी यावर कमेंट केली आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.