Thursday, October 6, 2022

Buy now

“देशमुखांच्या शेजारची जागा सॅनिटाईज करा कारण पुढचा नंबर राऊत अन् परब यांचा”; किरीट सोमय्यांचा इशारा

हॅलो महाराष्ट्र ऑनलाईन । भाजपचे नेते किरीट सोमय्या यांचा काल पुण्यात भाजप कार्यकर्त्यांच्यावतीने महापालिकेच्या पायऱ्यांवर सत्कार करण्यात आला. यानंतर सोमय्या यांनी शिवसेना खासदार संजय राऊत आणि परिवहनमंत्री अनिल परब याच्यावर हल्लाबोल केला आहे. “सध्या जेलमध्ये असलेले अनिल देशमुख यांच्या जेलची बाजूची जागा सॅनिटाईज करून ठेवा, कारण आता पुढचा नंबर हा संजय राऊत आणि अनिल परब यांचा असणार आहे,” असा इशारा सोमय्या यांनी दिला आहे.

किरीट सोमय्या यांनी आज माध्यमांशी संवाद साधला. यावेळी ते म्हणाले की, संजय राऊत यांच्या संबंधात सध्या जेलमध्ये बंद असलेला त्यांचा मित्र प्रवीण राऊत काय काय बोलले. आणि बाकीच्या काही लोकांची काही माहिती दिली आहे. अनिल देशमुख यांच्या संबंधात असा प्रकार घडला होता.

आज मी निश्चितपणे सांगतो कि अनिल देशमुख यांच्या जेलमधील डावीकडची आणि उजवीकडची बाजू हि सॅनिटाईज करून ठेवायांची व्यवस्था उद्धव ठाकरे यांनी लवकर करावी, कारण अनिल परब आणि संजय राऊत यांना जेलमध्ये जावे लागणार आहे, असल्याचा दावाही यावेळी सोमय्या यांनी केला आहे.