नवी दिल्ली । केंद्र सरकार विद्यार्थ्यांच्या बँक खात्यात 7 लाख रुपये जमा करत असल्याचा दावा करत एक बातमी यूट्यूबवर मोठ्या प्रमाणात व्हायरल होत आहे. या व्हायरल झालेल्या बातमीत असे सांगण्यात आले होते की ‘जीवन लक्ष्य योजना’ अंतर्गत केंद्र सरकार विद्यार्थ्यांना सात लाख रुपये देत आहे. जेव्हा या बातमीचा तपास केला गेला तेव्हा ती पूर्णपणे बनावट असल्याचे दिसून आले. सोशल मीडियावर लोकांची दिशाभूल आणि फसवणूक करण्यासाठी अशा अनेक बातम्या सध्या व्हायरल होत आहेत, केंद्र सरकार फसवणूक टाळण्यासाठी लोकांना सतत जागरूक करत आहे.
व्हायरल बातमीमध्ये असा दावा केला जात आहे
या बातमीत असे सांगितले जात आहे की, ‘जीवन लक्ष्य योजना’ अंतर्गत केंद्र सरकार सर्व विद्यार्थ्यांच्या बँक खात्यात 7 लाख रुपये जमा करत आहे. भारत सरकारच्या अधिकृत ट्विटर हँडल पीआयबी फॅक्ट चेकने स्पष्टपणे म्हटले आहे की, ही बातमी बनावट आहे. पीआयबीच्या म्हणण्यानुसार हा दावा बनावट आहे. भारत सरकारने अशी कोणतीही घोषणा केलेली नाही किंवा सरकार अशी कोणतीही योजना चालवित नाही.
यापूर्वी पीआयबी फॅक्ट चेकने ‘कन्या सन्मान योजना’ योजनेबाबत केलेल्या दाव्याचेही सत्य समोर आणले होते. वास्तविक दुसर्‍या एका युट्यूब व्हिडीओमध्ये असा दावा केला जात आहे की केंद्र सरकार ‘कन्या सन्मान योजने’ अंतर्गत दरमहा 2500 रुपये सर्व मुलींच्या बँक खात्यात जमा करीत आहे, पण हा दावाही बनावट आहे आणि केंद्र सरकारचा असा दावा कोणतीही योजना चालविली जात नाही.
आपल्यालाही फॅक्ट चेक करता येईल
आपल्याला जर कोणत्याही सरकारी योजनेच्या किंवा धोरणांच्या सत्यतेबद्दल शंका असेल तर आपण ती बातमी पीआयबी फॅक्ट चेकसाठी पाठवू शकता. आपण विविध सोशल मीडिया प्लॅटफॉर्मवर किंवा मेलद्वारे पीआयबी फॅक्ट चेकशी संपर्क साधू शकता. व्हॉट्सअ‍ॅपद्वारे आपण 8799711259 वर संपर्क साधू शकता. याशिवाय तुम्ही ट्विटरवर @PIBFactCheck ,फेसबुक वर /PIBFactCheck तसेच [email protected] वर ईमेलद्वारेही संपर्क साधू शकता.
ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.