नवी दिल्ली । नॅशनल स्टॉक एक्स्चेंज (NSE) च्या माजी MD आणि CEO चित्रा रामकृष्ण या ज्याच्या सांगण्यावरून निर्णय घेत असे तो हिमालयीन योगी बाबा दुसरा कोणीही नसून आनंद सुब्रमण्यनच आहे. अर्न्स्ट अँड यंगच्या (E&Y) तपासणीत असे अनेक पुरावे सापडले आहेत, ज्यावरून असे सूचित होते कि हा रहस्यमय हिमालयीन योगी बाबा दुसरा कोणीही नसून सुब्रमण्यमच आहे.
E&Y ने सांगितले की, या तपासात NSE चे माजी ग्रुप ऑपरेटिंग ऑफिसर आनंद सुब्रमण्यम यांच्या चेन्नईच्या निवासस्थानापासून अवघ्या 13 मीटर अंतरावर दोन जिओटॅग केलेले फोटो, हिमालयन योगी बाबाने बुक केलेले हॉटेल (सुब्रमण्यम यांनी पेमेंट केले होते), योगी यांना पाठवलेले ईमेलचे अटॅचमेंट आणि याच्या काही मिनिटांपूर्वी योगी आणि सुब्रमण्यमच्या संभाषणात वापरलेल्या वाक्यांची समानता यासारखे पुरावे हे दर्शवतात कि योगी दुसरा कोणी नसून आनंद सुब्रमण्यम आहे.
CBI काही दिवसांत खुलासा करेल
हा तोच योगी आहे ज्यांच्यासाठी चित्रा रामकृष्ण यांच्यावर बाजारातील गोपनीय माहिती लीक केल्याचा आरोप आहे. CBI ने 2018 मध्ये एक्सचेंजमध्ये फेरफार केल्याप्रकरणी सुब्रमण्यम यांना अटक केली आहे. चित्रा रामकृष्ण यांनी आनंद सुब्रमण्यम यांच्या नियुक्तीमध्ये नियमांचे उल्लंघन केल्याचे आणि rigyajursama@outlook.com या ईमेल आयडीद्वारे हिमालयन योगी यांच्याशी NSE ची गोपनीय माहिती शेअर केल्याच्या सेबीच्या रिपोर्टनंतर ही अटक करण्यात आली. CBI म्हणते की, त्यांच्याकडे E&Y चा रिपोर्टआहे. येत्या काही दिवसांत ते या गोष्टी उघड करणार आहे.
फोटोंचे एकच लोकेशन
E&Y चे निष्कर्ष जानेवारी 2000 ते मे 2018 दरम्यान रामकृष्ण, सुब्रमण्यम आणि हिमालयन योगी यांच्यातील परस्परसंवादाच्या विश्लेषणावर आधारित आहेत. रामकृष्ण एप्रिल 2013 ते डिसेंबर 2016 पर्यंत NSE चे MD आणि CEO होते. सुब्रमण्यम यांची नियुक्ती याच काळात झाली. E&Y म्हणतात की,” त्यांनी अटॅचमेंट असलेल्या 17 ईमेलचे विश्लेषण केले. यामध्ये आठ फोटोंचा समावेश होता, त्यापैकी दोन जिओटॅग करण्यात आले होते. दोन्ही फोटोंचे लोकेशन सुब्बू (सुब्रमण्यम) यांच्या चेन्नईतील निवासी पत्त्याजवळ होते. या फोटोंचे कॅप्चर केलेले लोकेशन रिग्याजुर्समाने पाठवलेल्या फोटोंच्या कॅप्चर केलेल्या लोकेशन सारखेच होते.
उम्मेद भवन पॅलेसमध्ये बुकिंग आणि 237984 रुपयांचे पेमेंट
E&Y रिपोर्टमध्ये असे म्हटले गेले आहे की, उम्मेद भवन पॅलेसमध्ये केलेले बुकिंग हा आणखी एक पुरावा आहे. 1 डिसेंबर 2015 रोजी rigyajursama@outlook.com वरून रामकृष्ण (सुब्रमण्यमसाठी देखील चिन्हांकित) यांना ईमेल पाठवण्यात आला. कांचनची (सुब्रमण्यमचा संदर्भ) रजा मंजूर झाली आहे आणि उम्मेद भवन येथे एमईच्या वतीने बुकिंग करण्यात आल्याचे सांगण्यात आले. सुब्बूच्या बँक स्टेटमेंटनुसार, 27 नोव्हेंबर 2015 रोजी उम्मेद भवन पॅलेसला 237984 रुपयांचे पेमेंटही करण्यात आले होते.
सुब्रमण्यम यांच्या यूझर प्रोफाइलमध्ये सानंद यांचा उल्लेख आहे
E&Y ने सुब्रमण्यम यांना NSE कडून मिळालेल्या डेस्कटॉपवर वापरलेल्या स्काईप प्रोफाइलचे विश्लेषण केले. शेअर केलेल्या डेस्कटॉपवरील सुब्रमण्यम यांच्या यूझर प्रोफाइलमध्ये सानंदचा उल्लेख असल्याचे आढळून आले. विंडोज प्रोफाईल सानंदशी संबंधित डेस्कटॉप डेटाच्या पुनरावलोकनातून असे दिसून आले की, anand.subramanian9 आणि siromani.10 या नावांखालील स्काईप अकाउंट स्काईप ऍप्लिकेशन डेटाबेसमध्ये कॉन्फिगर करण्यात आले होते.
siromani.10 आणि रामकृष्ण यांची भाषा एकच आहे
sironmani.10 यूझर प्रोफाइल नाव असलेले स्काईप अकाउंट rigyajusama@outiook.com या ईमेल आयडीशी आणि मोबाइल क्रमांक +9191675774 12 (हा क्रमांक NSE ने सुब्बूला दिला होता) शी लिंक केले होते. siromani.10 ने रामकृष्णांशी स्काईप चॅटमध्ये जी भाषा वापरली होती ती भाषा rigyajursama@outlook.com वरून रामकृष्णांशी संवाद साधण्यासाठी वापरल्या जाणार्‍या भाषेसारखीच होती असा निष्कर्षही निघाला.
