हॅलो महाराष्ट्र ऑनलाइन | जम्मू- काश्मीरमध्ये दहशतवाद्यांविरोधात झालेल्या चकमकीत सांगली जिल्ह्यातील वाळवा तालुक्यातील शिगाव गावचे जवान 23 वर्षीय रोमित तानाजी चव्हाण शहीद झाले आहे. या घटनेमुळे गावकऱ्यांवर शोककळा पसरली आहे.

जम्मू-काश्मीर येथील शोपिया या भागामध्ये दहशतवाद्यांच्यावरील कारवाईच्या वेळेस गोळीबार झाला. त्यामध्ये जवान रोमित तानाजी चव्हाण हे दहशतवाद्यांशी लढताना शहीद झाले. रोमित चव्हाण हे 17 मार्च 2017 रोजी सैन्यात भरती झाले होते. सध्या ते राष्ट्रीय रायफल अंतर्गत 4 महार रेजिमेंटमध्ये कार्यरत होते.

शनिवारी सकाळी सहा-साडेसहाच्या सुमारास दहशतवादी लपून असलेल्या घराला रोमित आणि त्यांच्या सहकारी जवानांनी वेढा घातला. सुरक्षा दलांनी दहशतवाद्यांना शरण येण्याची संधी दिली होती. वारंवार तसे आवाहन केले. पण दहशतवाद्यांनी जवानांच्या दिशेने गोळीबार सुरू केला. एक क्षणही पाऊल मागे न फिरविता रोमित व सहकारी जवानांनीही पुढे चाल करत दहशतवाद्यांना जोरदार प्रत्युत्तर दिले. एका दहशतवाद्याचा खात्माही केला. पण याचवेळी दहशतवाद्यांकडून झाडल्या गेलेल्या काही गोळ्यांनी रोमित यांचा वेध घेतला. आणि त्यांना वीरमरण आले.

हॅलो महाराष्ट्र | परभणी प्रतिनिधी

होमिओपॅथिक अकॅडमी ऑफ रिसर्च अँड चॅरिटीज या संस्थे तर्फे दि 19 फेब्रुवारी शनिवार रोजी कस्तुरबा गांधी बालिका विद्यालय परभणी येथे 180 किशोरवयीन मुलीसाठी ‘मासिक पाळी व्यवस्थापन’ कार्यशाळेचे आयोजन करण्यात आले होते. या प्रसंगी 180 किशोरवयीन मुली व शिक्षकांची उपस्थिती होती. या प्रसंगी मुख्याध्यापिका श्रीमती एम एम पवार, श्रीमती के पी कांबळे, शीतल अंबिलवादे, श्रीमती एल टी सावळकर, श्रीमती यु ए जोंधळे यांची उपस्थिती होती.

या कार्यक्रमात डॉ सौ आशा चांडक (मासिक पाळी समुपदेशन तज्ञ) यांनी उपस्थित किशोरवयीन मुलींना स्त्रियांचे आरोग्य, मासिक पाळी व्यवस्थापन, समज, गैरसमज, पाळीतील जननेंद्रियांची स्वच्छता, सॅनिटरी पॅड/सुती कापडाच्या घड्याचा वापर, त्याची योग्य विल्हेवाट, सोबत मासिक पाळीशी संबंधित विविध आरोग्य समस्या, पीसीओएस तसेच शाश्वत पर्याय म्हणून मेन्स्ट्रुअल कप आदी विषयी मार्गदर्शन केले. या समुपदेशन सत्रात 180 विद्यार्थिनींना एचएआरसी संस्थे तर्फे समुपदेशन करून मासिक पाळी व्यवस्थापन माहितीपत्रकाचे वाटप केले. शेवटी तितक्याच मुलींची 20 प्रश्नांची स्वयंअध्ययन चाचणी घेण्यात आली.

तसेच ‘मेन्स्ट्रुपेडिया’ या मासिक पाळी विषयक मराठी कॉमिक बुक चे इयत्ता नुसार वाटप करण्यात आले. “येत्या काळात शाश्वत पर्याय म्हणून एचएआरसी संस्थे तर्फे पॅड ऐवजी मेन्स्ट्रुअल कप वापरण्यासाठी इच्छुक गरजू किशोरवयीन मुलींना मोफत मेन्स्ट्रुअल कप चे मोफत वाटप करण्यात येणार असल्याचे ” संस्थेचे अध्यक्ष डॉ पवन चांडक म्हणाले.

कोणतेही शासकीय मदत किंवा मानधन न घेता समुपदेशन करणारी टीम: एचएआरसी संस्थेतील टीम सदस्य डॉ आशा चांडक, प्रा पद्मा भालेराव, कु क्षितिजा तापडिया, प्रा अंजली जोशी, प्रा विशाका हेलसकर या मासिक पाळी समुपदेशन उपक्रमात स्वतःच्या व्यस्त नियोजन सांभाळून शासनाकडून किंवा संबंधित संस्थेकडून कोणतेही मानधन किंवा प्रवास खर्च न घेता काम करत आहे. एचएआरसी संस्था सोशल मीडियावर मदतीचे आवाहन करून लोकसहभागातून मागील 2019 पासून संपूर्ण जिल्ह्यात मासिक पाळी समुपदेशन चे कार्य करत आहे.

पार्श्वभूमी: एचएआरसी संस्थे तर्फे मागील 2019 पासून आजवर संपूर्ण परभणी, हिंगोली, वाशीम व बीड जिल्ह्यातील ग्रामीण भागातील 207 शाळेतील 17115 किशोरवयीन मुलींचे मासिक पाळी विषयी समुपदेशन करून 9565 गरजू आर्थिक दृष्ट्या दुर्बल किशोरवयीन मुलींना मोफत सॅनिटरी पॅडचे वाटप करण्यात आले।

मुलींनी परखडपणे व्यक्त केल्या भावना: अनेक विद्यार्थिनींनी स्टेजवर येऊन मनमोकळेपणे आपल्या मनातील प्रश्न, शंका ना केवळ व्यक्त केल्या तर मासिक पाळी विषयीच्या विटाळ, चुकीच्या रूढी, गैरसमज विषयी परखडपणे भाष्य केले व विज्ञानवादी विचार व्यक्त केले। एचएआरसी टीमने त्यांच्या प्रश्नांचे शास्त्रोक्त उत्तराने समाधान केले।

प्रास्ताविक डॉ पवन चांडक यांनी केले. या कार्यशाळेच्या यशस्वीततेसाठी डॉ पवन चांडक, डॉ सौ आशा चांडक, मुख्याध्यापक पवार मॅडम यांनी प्रयत्न केले.