नवी दिल्ली । गाण सम्राज्ञी लता मंगेशकर यांच्या निधनानंतर संपूर्ण देशावर शोककळा पसरली आहे. यानंतर सरकारने दोन दिवसांचा राष्ट्रीय दुखवटा जाहीर केला. लतादीदी कोणत्याही सरकारी पदावर नव्हत्या किंवा सरकारशी संबंधितही नव्हत्या. तरीही त्यांच्या निधनावर राष्ट्रीय दुखवटा का जाहीर केला गेला. या संबंधीचा निर्णय कोण घेऊ शकतो?
जेव्हा जेव्हा राष्ट्रीय दुखवटा जाहीर केला जातो तेव्हा तेव्हा राष्ट्रध्वज अर्ध्यावर फडकवला जातो. काही पदांवर राष्ट्रीय दुखवटा पाळण्याच्या नियमाची नोंद घटनेत आहे, मात्र इतर कोणत्याही व्यक्तीचा मृत्यू झाला तर त्यानिमित्ताने राष्ट्रीय दुखवटा साजरा करायचा की नाही हे ठरवण्याचा अधिकार राष्ट्रपतींकडे आहे. त्यामुळे लता मंगेशकर यांच्या निधनावर दोन दिवसांच्या राष्ट्रीय दुखवट्याचा निर्णय राष्ट्रपतींनी मंजूर केला. त्यानंतर सरकारने याबाबत घोषणा केली. तसेच, लता मंगेशकर यांना ‘भारतरत्न’ हा देशाचा सर्वोच्च नागरी पुरस्कारही मिळाला आहे.
राष्ट्रीय दुखवट्या दरम्यान काय होते?
भारतीय ध्वज संहितेनुसार,मान्यवरांच्या मृत्यूनंतर राष्ट्रध्वज अर्ध्यावर फडकवला जातो. राष्ट्रध्वज अर्ध्यावर उतरवण्याचा प्रोटोकॉल नियमांनुसार देशाबाहेरील भारतीय दूतावास आणि उच्च आयोगांना देखील लागू होतो.
राष्ट्रीय दुखवट्यात शासकीय इतमामात अंत्यसंस्कार केले जातात
राष्ट्रीय दुखवट्यात शासकीय इतमामात अंत्यसंस्काराचे आयोजन केले जाते, त्यांचे पार्थिव तिरंग्याने झाकलेले असते. मान्यवरांना बंदुकीची सलामी देण्यात येते. यासोबतच सार्वजनिक सुट्टीही जाहीर केली जाते. ज्या शवपेटीत मान्यवरांचे पार्थिव वाहून नेले जाते ती तिरंग्यात गुंडाळली जाते. यापूर्वी ही घोषणा केवळ केंद्र सरकारच्या सल्ल्याने राष्ट्रपतीच करू शकत होते, मात्र नुकत्याच बदललेल्या नियमांनुसार आता राज्यांनाही हा अधिकार देण्यात आला असून राज्य सन्मान कोणाला द्यायचा आणि कोणाला देऊ नये हे ते ठरवू शकतात.
शाळा, सरकारी कार्यालये बंद
केंद्र सरकारच्या 1997 च्या अधिसूचनेमध्ये नमूद केल्याप्रमाणे, सरकारी अंत्यसंस्काराच्या वेळी सार्वजनिक सुट्टीची आवश्यकता नाही. त्यानुसार राष्ट्रीय दुखवट्यादरम्यान सक्तीची सार्वजनिक सुट्टी रद्द करण्यात येते. जेव्हा राष्ट्रपती किंवा पंतप्रधान पदावर असताना मरण पावतात तेव्हाच सुट्टी जाहीर केली जाते.
मात्र अनेकदा अशासकीय मान्यवरांच्या मृत्यूनंतरही सार्वजनिक सुट्टी जाहीर केली जाते कारण त्याचे अंतिम अधिकार राष्ट्रपतीकडे असतात. याशिवाय राज्येही सुट्टी जाहीर करत असतात.
राष्ट्रध्वज अर्ध्यावर खाली करण्याचा नियम काय आहे?
जेव्हाही असे केले जाते, तेव्हा ध्वज पहिले पूर्ण उंचावला जातो आणि नंतर हळूहळू अर्ध्या मास्टपर्यंत खाली केला जातो. यादरम्यान फक्त तिरंगा अर्ध्यावर झुकवला जातो. याशिवाय एखाद्या संस्थेचा ध्वज कुठेतरी राष्ट्रध्वजासह असेल तर तो सामान्य उंचीवर राहतो.
या दिवसात राष्ट्रध्वज खाली आणता येत नाही
विशेष बाब म्हणजे प्रजासत्ताक दिन (26 जानेवारी), स्वातंत्र्यदिन (15 ऑगस्ट), गांधी जयंती (2 ऑक्टोबर) किंवा राज्याच्या सुट्टीच्या दिवशी एखाद्या विशिष्ट व्यक्तीचा मृत्यू झाल्यास, देशात राष्ट्रध्वज फडकवला जात नाही. राज्य, त्यापेक्षा ज्या इमारतीत त्या विशिष्ट व्यक्तीचा मृतदेह ठेवला आहे, त्या इमारतीवरच राष्ट्रध्वज अर्ध्यावर फडकवला जातो.
