काबूल । अफगाणिस्तानची अॅडल्ट स्टार असलेली यास्मिना अली सध्या खूप चर्चेत आहे. अलीकडेच, तिने अनेक धक्कादायक खुलासे केले आणि ती पॉर्न स्टार बनल्यापासून तालिबानला तिला आपल्या रडारवर धरले असल्याचे सांगितले. ती या इंडस्ट्रीत कशी आली आणि ती आपल्या कुटुंबाचा तिरस्कार का करते याबद्दल तिने अनेक खुलासा केले आहेत.
यास्मिना अलीने आपल्या मनाविरुद्ध लावत असलेला विवाह नाकारला आणि आपल्याला पॉर्न इंडस्ट्रीत काम करायचे असल्याचे पालकांना सांगितले. 1990 च्या दशकात तालिबान सत्तेवर आल्यानंतर यास्मीना अली आणि तिच्या कुटुंबाने अफगाणिस्तान सोडले. ते ब्रिटनला गेले जिथे यास्मीनाने शिक्षण घेतले. वयाच्या 19 व्या वर्षी तिचे लग्न व्हावे अशी तिच्या आई-वडिलांची इच्छा होती मात्र यास्मीनाला ते मान्य नव्हते.
इस्लामचा त्याग केला, नास्तिक बनली
यानंतर यास्मीनाने इस्लामचा त्याग केला आणि ती नास्तिक बनली, त्यानंतर तिने पॉर्न इंडस्ट्रीत प्रवेश केला. डेली स्टारशी बोलताना 28 वर्षीय यास्मिनाने सांगितले की, घरातून बाहेर पडल्यापासून ती आपल्या कुटुंबाशी बोललेली नाही. ती म्हणाली, “वयाच्या 19 व्या वर्षी मी पळून गेले कारण त्यांना माझ्या इच्छेविरुद्ध लग्न लावायचे होते. त्यांनी मला काय हवे आहे हे जाणून घेण्याचा देखील प्रयत्न केला नाही.” ती पुढे म्हणाली,”मी त्यांच्यापैकी कोणाशीही (पालकांशी) बोललेले नाही आणि त्यांच्याशी पुन्हा बोलण्याचा माझा विचार देखील नाही.”
‘तुम्ही माझ्याबद्दल काय विचार करता याची मला पर्वा नाही’
यास्मिना म्हणते,”तो अध्याय आता संपला आहे, कारण कुटुंब म्हणजे पाठिंबा देणे आणि धैर्य वाढवणे. आमच्याकडे समान मूल्ये नाहीत आणि मला पॉर्न इंडस्ट्रीमध्ये जाण्याबद्दल त्यांना काय वाटते याची मला पर्वा नाही. मला खात्री आहे की ते माझ्याबद्दल वाईट विचारच करतात.”
अफगाणिस्तानात तालिबानने हिंसाचार केला
यास्मिनाने अफगाणिस्तानमध्ये महिला, वृद्ध आणि मुलांसोबत होणार हिंसाचार पाहिला, त्यानंतर ती ब्रिटनमध्ये शिक्षणासाठी गेली. जवळपास 30 वर्षे अफगाणिस्तानसाठी एका स्वप्नासारखी गेली आणि आता तालिबान पुन्हा एकदा सत्तेवर आले, मात्र आता यास्मिना एक निष्पाप बालक नसून एक शक्तिशाली महिला आणि अफगाण कार्यकर्ती आहे. यास्मिना ही अफगाणिस्तानची ‘नंबर वन पॉर्न स्टार’ म्हणून ओळखली जाते.
