पुणे : हॅलो महाराष्ट्र – पुण्यातील मुंढवा येथे एका 12 वर्षीय मुलाच्या डोक्यात थेट उंचावरुन पडलेली सळई घुसल्याचा अत्यंत धक्कादायक व्हिडिओ सोशल मीडियावर व्हायरल झाला आहे. हि घटना अत्यंत धक्कादायक आहे.

काय आहे नेमके प्रकरण ?
पुण्यातील मुंढवा येथील एका इमारतीवरून केबल ओढण्याचे काम सुरू होते. याच वेळी त्या इमारतीच्या बाजूला असणाऱ्या रस्त्यावरुन एक 12 वर्षाचा मुलगा जात होता. यावेळी अचानक इमारतीच्या वरच्या भागातून पडलेली सळई थेट मुलाच्या डोक्यात घुसली. हि घटना एवढ्या पटकन घडली कि कोणाला काही कळलेच नाही. त्या मुलालादेखील नेमके काय घडले हे समजले नाही. यामुळे तो डोक्यात घुसलेली सळई घेऊन काही पावलं तसाच पुढे गेला आणि नंतर जमिनीवर जाऊन कोसळला. या प्रकरणी राजेश भारती याच्यासह दोन कामगारांविरोधात मुंढवा पोलीस ठाण्यात गुन्हा दाखल करण्यात आला आहे.

रस्त्यावरुन निघालेल्या 12 वर्षाच्या मुलाच्या डोक्यात घुसली सळई; Video व्हायरल pic.twitter.com/56ROPXws1z

— Hello Maharashtra (@HelloMaharashtr) January 3, 2022

हि घटना 28 डिसेंबर 2021 रोजी घडली आहे. या जखमी मुलाचे नाव चेतन असे आहे. चेतन घटनेच्या दिवशी दुपारी सव्वा एक वाजण्याच्या सुमारास पायी चालत जात होता. यावेळी इमारतीवर केबल ओढण्याचे काम सुरू होते. पण काही समजण्याच्या आतच त्याच्या डोक्यात थेट लोखंडी सळई घुसली. यानंतर तो काही क्षणात खाली कोसळला. यानंतर तेथील नागरिकांनी त्याला उचलून तातडीने रुग्णालयात दाखल केले. सध्या या मुलाची प्रकृती स्थिर आहे. या प्रकरणी राजेश भारती याच्यासह दोन कामगार विरोधात मुंढवा पोलीस स्टेशनमध्ये गुन्हा दाखल करण्यात आला आहे. या घटनेची माहिती मिळताच चेतनच्या कुटुंबीयांना मोठा धक्का बसला. रस्त्यावरुन जाताना थेट मोठी सळई चेतनच्या डोक्यात घुसल्याने त्याच्या जीवाला धोका निर्माण झाला होता. चेतनला तातडीने उपचार मिळाल्याने त्याची प्रकृती सध्या स्थिर आहे. या प्रकरणातील दोषी कामगारांवर कठोर कारवाई करण्याची मागणी चेतनच्या कुटुंबियांकडून करण्यात आली आहे.

पुणे : हॅलो महाराष्ट्र – पुण्यातील कर्वेनगर या ठिकाणी एक विचित्र घटना घडली आहे. यामध्ये कर्वेनगरमधील शाहु कॉलनी या ठिकाणी एक तरुणी आणि तिची आई दगड विटा आणि धारदार शस्त्राने गाड्यांची तोडफोड करत होते. त्यावेळी स्थानिक नागरिकांनी पोलीस कंट्रोल रुमला फोन करून या घटनेची माहिती दिली. या घटनेची माहिती मिळताच पोलिस ठाण्याचे बीट मार्शल तातडीने घटनास्थळी दाखल झाले. यानंतर पोलिसांनी ती तरुणी व तिच्या आईला चौकशीसाठी कर्वेनगरमधील पोलिसचौकीमध्ये आणले.

या तरुणीने व तिच्या आईने चौकी मधील दामिनी पथकातील महिला पोलिसावर अर्वाच्च, अश्लील भाषेत शिवीगाळ केली तसेच झटापट करत त्यांच्या खांद्यावरील म.पो.जाँईन्ट बेल्ट तोडला. यावेळी हि तरुणी महिला पोलिसावर हल्ला करताना “माझा गुन्हा काय असे अपरोधितपणे विचारत होती. ” त्याच वेळी शेजारी उभे असणारे पोलिस बघ्याची भूमिका घेताना दिसत होते. मात्र पोलिसांनी हि तरुणी नशेत होती कि नाही याबाबत सांगण्यास नकार दिला आहे. हि तरुणी एवढ्यावरच थांबली नाहीतर तिने एका पोलिस काँन्टेबलच्या वर्दीवर हल्ला चढवत शर्टाची बटण तोडली आहे. तसेच संबंधित ड्युटीवर असणारे पोलिस उपनिरीक्षकासोबत गैरवर्तन करण्याचा प्रयत्न केला.

हि तरुणी कोणाचेही ऐकण्याच्या मनस्थितीत नव्हती. पोलिस स्टेशनमध्ये तक्रार दाखल करण्याची प्रक्रिया सुरु असताना संबंधित तरुणी आणि तिची आई चौकीतुन काही घडले नसल्यासारखे आरामात घरी निघुन गेल्या. मात्र या घटनेबाबत वारजे पोलिसांनी प्रतिक्रिया देण्यास नकार दिला आहे. या तरुणीवर गुन्हा दाखल न करण्यासाठी वारजे मधील वरिष्ठ पोलिस निरीक्षक दबाव टाकत असल्याचे सूत्रांकडून समजत आहे. मृणाल किरण पाटील असे त्या तरुणीचे तर सजणा किरण पाटील असे तिच्या आईचे नाव आहे.