Tuesday, December 9, 2025
Home Blog Page 3711

राजीव गांधी देशाचे हिरो, मोदींनी कितीही प्रयत्न केला तरी त्यांचे स्थान हलणार नाही; काँग्रेसचा हल्लाबोल

By
Akshay Patil
-

हॅलो महाराष्ट्र ऑनलाइन | राजीव गांधी खेलरत्न पुरस्काराचे नामकरण मेजर ध्यानचंद यांच्या नावाने करण्याचा निर्णय केंद्रातील मोदी सरकारने घेतल्यानंतर काँग्रेसकडून मोदींवर निशाणा साधला जात आहे. काँग्रेस नेते सचिन सावंत यांनी यावरून नरेंद्र मोदींवर सडकून टीका केली आहे.

राजीव गांधी खेळरत्न पुरस्काराचे नामकरण मेजर ध्यानचंद खेलरत्न होत आहे. मेजर ध्यानचंद यांचे नाव कोणत्याही ठिकाणी व पुरस्काराला देण्याचे स्वागतच आहे. त्यांच्या नावाने सर्वोत्तम खेळ पुरस्कार २००२ पासून आधी आहेच. दुर्दैवाने मोदींनी कोत्या मनोवृत्तीच्या राजकारणात त्यांचे नाव ओढले आहे असे ट्विट सचिन सावंत यांनी केले.

शहीद राजीव गांधी हे देशाचे सुपुत्र व हिरो होते. त्यामुळे मोदींनी कितीही प्रयत्न केला तरी राजीवजींचे स्थान हलणार नाही. स्वतःची लाईन वाढत नाही तर दुसऱ्याची कमी करणे ही मोदींची मानसिकता आहे.

तरीही जर खेळाडूंचे नाव देण्याची तात्विक भूमिका असेल तर मोदी व जेटली यांच्या नाव ज्या स्टेडियमना दिले आहे ते बदलून दिग्गज खेळाडूंचे नाव देण्याची सुरुवात करा. सरदार पटेलांचे नाव छोटं करुन हयातीतच स्वतःचे नाव स्टेडियमला देणारे मोदी निश्चितपणे याचा विचार करतील ही अपेक्षा असे सचिन सावंत यांनी म्हंटल.

RBI Monetary Policy: रेपो दरात कोणताही बदल झालेला नाही, याचा तुमच्या कर्जावर काय परिणाम होईल ते जाणून घ्या

By
Akshay Patil
-

मुंबई । भारतीय रिझर्व्ह बँकेचे गव्हर्नर शक्तिकांत दास यांनी बुधवारी मॉनेटरी पॉलिसी (RBI Monetary Policy) जाहीर केले. रेपो दरात कोणताही बदल करण्यात आलेला नाही. ती पूर्वीप्रमाणे 4 टक्क्यांवर अपरिवर्तित राहील. रिव्हर्स रेपो रेट (Reverse Repo Rate) देखील 3.35 टक्के वर अपरिवर्तित राहील, तर मार्जिनल स्टँडिंग फॅसिलिटी रेट (MSFR) आणि बँक रेट 4.25 टक्के राहील.

रेपो रेट काय आहे ?
RBI ज्या रेटने कमर्शियल बँका आणि इतर बँकांना लोन देते त्याला रेपो रेट म्हणतात. कमी रेपो रेट म्हणजे सर्व प्रकारचे लोन (होम लोन, ऑटो लोन, पर्सनल लोन) स्वस्त होतात. RBI ने रेपो रेटवर यथास्थित ठेवणे म्हणजे बँका लवकरच कर्जावरील व्याजदर वाढवणार नाहीत.

तुम्ही स्वस्त दरात नवीन होम लोन घेऊ शकता
होम लोन घेणाऱ्यांसाठी व्याज दर हा अत्यंत महत्त्वाचा घटक आहे. होम लोन हे सर्वात जास्त कालावधीचे लोन आहे. RBI ने ऑक्टोबर 2019 पासून फ्लोटिंग रेट अनिवार्य केले आहे. बहुतेक बँका फ्लोटिंग रेटवर होम लोन देतात. बँका त्यास रेपो रेटशी जोडतात, म्हणजेच, जर रेपो रेट कमी होईल किंवा वाढेल, तर तुमचे व्याज त्याच आधारावर कमी होईल किंवा वाढेल. हा फ्लोटिंग रेट आहे. रेपो रेटवर यथास्थित ठेवणे म्हणजे जे लोन घेण्याचा विचार करत आहेत ते अजूनही स्वस्त दराने लोन घेऊ शकतात. आधीच होम लोन घेतल्याना त्याच दराने व्याज द्यावे लागते. तथापि, जर होम लोन 5 वर्षांचे असेल तर तुम्ही एकदा व्याज दर तपासा. जर तुमचे होम लोन रेपो रेट शी जोडलेले नसेल, तर तुम्ही ते लिंक करू शकता किंवा इतर बँकांमध्ये स्विच करू शकता.

तुम्ही स्वस्त दरात ऑटो लोन घेऊ शकता
ऑटो लोनबद्दल बोलायचे झाले तर त्याचा कमाल कालावधी 5 आणि 7 वर्षांचा असतो आणि ते निश्चित दराने असतात. जर तुम्ही नवीन लोन घेणार असाल तर तुम्हाला स्वस्त दरात लोन मिळेल. विद्यमान ग्राहकांबद्दल बोलताना, जे किमान 2 वर्षांचे आहेत ते ऑटो लोन वर स्विच करण्याचा विचार करू शकतात. तथापि, आपण स्विच करण्यापूर्वी फोरक्लोझर चार्ज तपासावे.

पर्सनल लोन घेणाऱ्यांना दिलासा, व्याजदर अजून वाढणार नाहीत
रेपो रेटवर यथास्थित ठेवणे म्हणजे बँका सध्या त्यावर व्याजदर वाढवणार नाहीत. चांगला क्रेडिट स्कोअर असणे नवीन पर्सनल लोन घेणाऱ्यांना या व्याजदराचा लाभ मिळवून देऊ शकते. चांगला क्रेडिट स्कोअर आपल्याला यामध्ये मदत करेल. विद्यमान पर्सनल लोनच्या ग्राहकांना व्याजदराचा जास्त लाभ मिळणार नाही. जर पर्सनल लोनवरील व्याज दर 16 टक्के असेल तर तुम्ही ते बदलू शकता.

भारताला लवकरच मिळू शकेल सिंगल डोस कोरोना लस, जॉन्सन अँड जॉन्सनने मागितली परवानगी

By
Akshay Patil
-
moderna vaccine

वॉशिंग्टन । अमेरिकन फार्मा कंपनी जॉन्सन अँड जॉन्सनने भारतात कोरोनाविरूद्ध सिंगल-डोस लसीच्या आपत्कालीन वापरासाठी मंजुरी मागितली आहे. जर ती सरकारने मंजूर केली, तर ही चौथी लस असेल, ज्याच्या मदतीने भारतात साथीच्या विरूद्ध लढा दिला देईल. सध्या कोव्हॅक्सिन, कोविशील्ड आणि रशियन लस स्पुतनिक- V च्या मदतीने भारतात मोठ्या प्रमाणावर लसीकरण मोहीम राबवली जात आहे. Covaxine, Covishield आणि Sputnik-V, हे तिन्ही दोन डोस असलेल्या लसी आहेत. त्यांच्या मदतीने सुमारे 130 कोटी लोकसंख्या असलेल्या देशात 49.53 कोटीपेक्षा जास्त डोस देण्यात आले आहेत. जर जॉन्सन अँड जॉन्सनची लस आणीबाणीच्या वापरासाठी मंजूर झाली, तर ती भारतात वापरण्यात येणारी पहिली सिंगल-डोस लस असेल.

कंपनीने सोमवारी याआधी सांगितले होते की,” ते आपली सिंगल-डोस कोविड-19 लस भारतात आणण्यास वचनबद्ध आहे आणि यासंदर्भात भारत सरकारसोबत सुरू असलेल्या चर्चेबाबत आशावादी आहेत.” कंपनीच्या प्रवक्त्याने एका निवेदनात म्हटले आहे, “जॉन्सन अँड जॉन्सन प्रायव्हेट लिमिटेडने 5 ऑगस्ट 2021 रोजी भारत सरकारकडे त्यांच्या सिंगल-डोस COVID-19 लसीच्या EUA साठी अर्ज केला.”

आपल्या निवेदनात कंपनीने म्हटले आहे की,’ कंपनीने बायोलॉजिकल ई लिमिटेडशी केलेला करार हा एक महत्त्वाचा टप्पा आहे जो भारतातील आणि उर्वरित जगाच्या लोकांना कोविड -19 लसीचा सिंगल डोस पर्याय देतो. बायोलॉजिकल ई लिमिटेड हा आमच्या जागतिक पुरवठा साखळी नेटवर्कचा एक महत्त्वाचा भाग असेल, जे आमच्या जॉन्सन अँड जॉन्सन कोविड -19 लस पुरवठ्याला मदत करण्यास मदत करेल”.

भारतासारख्या दाट लोकसंख्येच्या देशात ही सिंगल डोस लस कमी वेळेत जास्तीत जास्त लोकांना लसीकरण करणे सोपे करेल.

अदानी ट्रान्समिशनने पहिल्या तिमाहीचा निकाल केला जाहीर, मिळवला 433 कोटी रुपयांचा नफा

By
Akshay Patil
-

नवी दिल्ली । उद्योगपती गौतम अदानी यांच्या नेतृत्वाखाली अदानी ग्रुपची कंपनी अदानी ट्रान्समिशनने गुरुवारी आपल्या तिमाहीचे निकाल जाहीर केले. जास्त कमाईमुळे, कंपनीचा एकत्रित निव्वळ नफा चालू आर्थिक वर्षाच्या एप्रिल-जून तिमाहीत सुमारे 22 टक्क्यांनी वाढून 433.24 कोटी रुपये झाला.

कंपनीने नियामक फाईलिंगमध्ये म्हटले आहे की,” 30 जून 2020 रोजी संपलेल्या तिमाहीत त्याचा एकत्रित निव्वळ नफा 355.40 कोटी रुपये होता. या कालावधीत कंपनीचे एकूण उत्पन्न वाढून 2,935.72 कोटी रुपये झाले जे गेल्या वर्षी याच कालावधीत 2,542.84 कोटी रुपये होते. तिमाहीत कंपनीचा डिस्ट्रीब्यूशन लॉस जून 2021 मध्ये संपलेल्या तिमाहीत 6.88 टक्के होते, जे मागील वर्षाच्या कालावधीत 13.47 टक्के होते.”

पेट्रोकेमिकल सेक्टरमध्ये अदानी ग्रुपचा प्रवेश
अलीकडेच अदानी ग्रुपने एक नवीन उपकंपनी स्थापन केली आहे जी रिफायनरीज, पेट्रोकेमिकल कॉम्प्लेक्स आणि हायड्रोजन प्लांट्सची स्थापना करेल. अदानी ग्रुपची प्रमुख कंपनी असलेल्या अदानी एंटरप्रायझेसने स्टॉक एक्सचेंजच्या माहितीमध्ये म्हटले आहे की, त्याने अदानी पेट्रोकेमिकल्स लिमिटेड (APL) पूर्ण मालकीची उपकंपनी म्हणून समाविष्ट केली आहे, जे रिफायनरी, पेट्रोकेमिकल कॉम्प्लेक्स, विशेष रासायनिक युनिट, हायड्रोजन आणि संबंधित रासायनिक वनस्पती चालवते आणि अशा इतर युनिट्सच्या स्थापनेची काळजी घेईल.

अलीकडेच अदानी ग्रुपने मुंबई आंतरराष्ट्रीय विमानतळाची जबाबदारी स्वीकारली आहे
अलीकडेच अदानी ग्रुपने JVK ग्रुप कडून मुंबई आंतरराष्ट्रीय विमानतळाचे व्यवस्थापन हाती घेतले आहे. या ग्रुपने गेल्या वर्षी ऑगस्टमध्ये मुंबई विमानतळावरील JVK ग्रुपचा हिस्सा घेण्याची घोषणा केली होती. या करारानंतर अदानी ग्रुपचे मुंबईतील छत्रपित शिवाजी महाराज आंतरराष्ट्रीय विमानतळावर 74 टक्के हिस्सा असेल. यातील 50.5 टक्के JVK ग्रुपकडून आणि उर्वरित 23.5 टक्के अल्पसंख्यांक भागीदार एअरपोर्ट्स कंपनी दक्षिण आफ्रिका (ACSA) आणि बिडवेस्ट ग्रुपकडून घेतले जातील.

चंद्रकांत पाटलांच्या चॅलेंजला संजय राऊतांचा टोला; म्हणाले…

By
Santosh Gurav
-

हॅलो महाराष्ट्र ऑनलाईन । महापालिका निवडणुकीवरून आज भाजप प्रदेशाध्यक्ष चंद्रकांत पाटील यांनी शिवसेनेचे खासदार संजय राऊत यांना चॅलेंज दिले. चंद्रकांत पाटलांच्या चॅलेंजवरून राऊतांनी आपल्या शैलीत टोला लगावला. “मुंबई महापालिकेवर विरोधक काही ताकद अजमावत असतील तर त्यांनी आजमावी. मात्र, मुंबई महापालिकेवर शिवसेनेचा झेंडा हा व्यक्तिगत स्वरूपाचा नाही. तो तसाच फडकत राहणार आहे. काही फरक पडत नाही,”असे राऊत म्हणाले.

भाजपचे प्रदेशाध्यक्ष चंद्रकात पाटील यांनी मनसेचे अध्यक्ष राज ठाकरे यांची भेट घेतली. याबाबत शिवसेनेचे खासदार संजय राऊत म्हणाले की, लोकशाहीत प्रत्येकाला भेटण्याचा अधिकार आहे. आमचा अजूनही लोकशाहीवर विश्वास आहे. आमच्याकडे काही पेगासस यंत्र नाही. आम्ही काय कोणावर पाळतीसाठी ठेवलेले नाही. कोणी कोणाला भेटण्यावर बंधन नाही. आम्हालाही अशा प्रकारे अनेकजण भेट असतात. त्याला आम्ही काही फारसे महत्व देत नाही.

भाजपचे प्रदेशाध्यक्ष चंद्रकांत पाटील यांनी आज मनसेचे अध्यक्ष राज ठाकरे यांची भेट घेतल्यानंतर अनेक राजकीय चर्चाना उधाण आले होते. अशात चंद्रकांत पाटलांनी शिवसेनेचे खासदार संजय राऊत यांच्यावर निशाणा साधत त्यांना महापालिका निवडणुकीत उतरून दाखवण्याचे खुलले आव्हानही दिले. पाटलांच्या आव्हाणांनंतर संजय राऊत यांनीही आपल्या शैलीत टोला लगावला आहे.

राज्यपाल भगतसिंग कोशारींच्या ताफ्यातील गाडीला अपघात

By
Akshay Patil
-

हॅलो महाराष्ट्र ऑनलाइन | राज्याचे राज्यपाल भगतसिंह कोश्यारी यांच्या ताफ्यातील 3 गाड्यांचा अपघात झाल्याची माहिती समोर येत आहे. भगतसिंग कोश्यारी आज हिंगोली जिल्ह्याच्या दौऱ्यावर आहेत. त्यावेळी नरसी नामदेवकडे जाताना त्यांच्या ताफ्यातील 3 गाड्यांना अपघात झाला आहे. या अपक्षातात 3 गाड्यांचं किरकोळ नुकसान झाल्याची माहिती मिळतेय.

राज्यपाल भगतसिंग कोशारी हे गेल्या काही दिवसांपासून महाराष्ट्रातील काही जिल्ह्यात दौरा करत आढावा घेत आहेत. याचवरून राज्यातील महाविकास आघाडी सरकार आणि राज्यपाल यांच्यात वादही झाला होता. परंतु मी संविधानातील अधिकारांचा वापर करून दौरे करत आहे असं प्रत्युत्तर राज्यपालांनी दिलं होतं.

राज्यपाल सध्या नांदेड, हिंगोली आणि परभणी जिल्ह्याच्या दौऱ्यावर आहेत. दरम्यान राज्यपालांनी आज हिंगोली जिल्ह्यातील सर्व कार्यालयीन प्रमुखांची बैठक घेत सोयी सुविधा, सिंचन, पिण्याच्या पाण्याच्या व्यवस्था याबाबतची माहिती अधिकाऱ्यांकडून घेतली.

सोशल मीडिया प्लॅटफॉर्मवरील बंदीबाबत केंद्राने संसदेत काय उत्तर दिले ते जाणून घ्या

By
Akshay Patil
-

नवी दिल्ली । संसदेच्या पावसाळी अधिवेशनादरम्यान सोशल मीडिया प्लॅटफॉर्मवर बंदी घालण्याबाबतच्या प्रश्नाला केंद्र सरकारने राज्यसभेत लेखी उत्तर देताना सांगितले की,”सरकारचा असा कोणताही हेतू नाही.” माहिती तंत्रज्ञान राज्यमंत्री राजीव चंद्रशेखर म्हणाले की,”भारतातील कोणतेही सोशल मीडिया प्लॅटफॉर्म ब्लॉक करण्याची सरकारची कोणतीही योजना नाही.” तथापि, त्यांनी हे देखील स्पष्ट केले की,: केंद्र सरकार आयटी कायदा 2000 च्या कलम -69 A अंतर्गत आक्षेपार्ह ऑनलाइन कन्टेन्टवर बंदी घालणार आहे.”

केंद्र सरकार सोशल मीडिया कंपन्यांशी सतत चर्चा करत असते
राज्यमंत्री चंद्रशेखर म्हणाले की,”भारताची सार्वभौमत्व आणि अखंडता, राष्ट्रीय सुरक्षा, संरक्षण, इतर देशांशी मैत्रीपूर्ण संबंध किंवा कायदा आणि सुव्यवस्थेला धक्का पोहोचवणाऱ्या ऑनलाइन कन्टेन्टवर कायद्यानुसार बंदी घालण्यात येईल.” त्यांनी सांगितले की,” केंद्र सरकार सोशल मीडिया कंपन्यांशी सतत चर्चा करत आहे. यासह, त्यांची जबाबदारी आणि युझर्सच्या सुरक्षिततेबद्दल सतत चेतावणी दिली जाते.” कोणताही सोशल मीडिया प्लॅटफॉर्म किंवा अन्य मध्यस्थ देशाच्या लोकशाहीला हानी पोहोचवू शकत नाही, असा विश्वास त्यांनी व्यक्त केला.

कोणतेही सोशल मीडिया प्लॅटफॉर्म लोकशाहीला हानी पोहोचवू शकत नाही
केंद्र सरकारने म्हटले की,”देशाच्या संविधानात प्रत्येक नागरिकाला मूलभूत अधिकार देण्यात आले आहेत. देशाच्या लोकशाहीचा पाया हा आपले संविधान आहे.” ते म्हणाले की,” काही युझर्स सोशल मीडिया प्लॅटफॉर्मवर परस्पर द्वेष निर्माण करत आहेत. तरीही, कोणताही सोशल मीडिया प्लॅटफॉर्म कोणत्याही प्रकारे देशाच्या लोकशाहीला हानी पोहोचवू शकत नाही.”

दारुड्यांची पोलिसांना शिवीगाळ करत लाथा बुक्क्यांनी मारहाण; पहा व्हिडिओ

By
Akshay Patil
-

औरंगाबाद | औरंगाबाद शहरात पोलिसांना मारहाण झाल्याची घटना घडलीय. नाकाबंदी वर असणार्‍या पोलिसांना मद्यधुंद तरुणाने मारहाण केल्याचं समजत आहे. विनामास्क प्रवास करणार्या दुचाकिस्वाराला थांबवल्यानंतर दुचाकी वरील तिन तरुणांनी पोलिसांशी अरेरावी करत त्यांना मारहाण केल्याचा धक्कादायक प्रकार गुरुवारी मध्यरात्री वसंतराव नाईक चौकातील घडला.

गणेश आबाराव लोखंडे असे मारहाण झालेल्या पोलिसांचे नाव आहे. तर प्रताप पोपटराव जगताप, आकाश सुनिक कुलकर्णी, आशुतोष नवनाथ झिंझोडे असे पोलिसांवर हल्ला करणाऱ्या तिन्ही तरुणाची नावे आहेत. यासंबंधी सिडको पोलिसांनी तिघाना अटक केलीय. या घटनेचा व्हिडिओ सध्या सोशल मिडियात चांगलाच व्हायरल होतोय.

वरील व्हिडिओ बघितलं असता काही तरुण हे मद्यधुंद अवस्थेत असून पोलिस त्यांना हाताळत असतानाच एका तरुणाने थेट पोलिसांवरच हल्ला केला. तसेच अर्वाच्य भाषेत शिवीगाळ केलेलीही पाहायला मिळत आहे. या घटनेचा व्हिडिओ व्हायरल होत असून सदर व्यक्तींना पोलिसांनी बेड्या ठोकल्या आहेत

पंतप्रधान मोदींशी संवाद साधताना महिला हॉकी टीमला अश्रू अनावर (Video)

By
Akshay Patil
-

हॅलो महाराष्ट्र ऑनलाइन | टोकियो ऑलिम्पिक स्पर्धेत भारतीय महिला हॉकी संघाला बलाढ्य ब्रिटन कडून पराभव स्वीकारावा लागल्यानंतर पदकाचे स्वप्न अधुरे राहिले. ब्रिटनच्या संघाने भारतीय महिला संघाचा ४-३ असा पराभव करत कांस्यपदकावर नाव कोरले. या सामन्यात भारतीय महिला संघाचा पराभव झाला असला तरी आजवरच्या इतिहासातील ही महिला हॉकी संघाची सर्वोच्च कामगिरी समजली जात आहे.

याच पार्श्वभूमीवर देशाचे पंतप्रधान नरेंद्र मोदी यांनी महिला हॉकी संघाला फोन करून धीर देण्याचा प्रयत्न केला तसेच चिंता करू नका देशाला तुमचा गर्व आहे असं म्हणत त्यांचा उत्साह वाढवला. दरम्यान मोदींशी फोनवर बोलताना महिला खेळाडूंना अश्रू अनावर झाले. परंतु तुम्ही रडू नका. तुम्ही घेतलेली मेहनत करोडो लोकांसाठी प्रेरणा बनली आहे असे म्हणत मोदींनी शाबासकी दिली.

दरम्यान पंतप्रधान नरेंद्र मोदी यांनी पराभवामुळे निराश झालेल्या महिला हॉकी संघाला प्रोत्साहन देण्यासाठी मोदींनी ट्वीट देखील केलं होते.  पंतप्रधान नरेंद्र मोदी यांनी आणि म्हटले आहे की, “मुलींच्या कामगिरीने नव्या भारताची भावना प्रदर्शित केली आहे.  या महान कामगिरीची आम्हाला नेहमी आठवण राहील.”जरी आपण महिला हॉकीमध्ये खूप कमी फरकाने पदक गमावले. परंतु हा संघ नवीन भारताची भावना प्रतिबिंबित करतो

राज ठाकरे यांच्या रक्तातच हिंदुत्व; भाजप – मनसे एकत्र आल्यास आनंदच – बाळा नांदगावकर

By
Santosh Gurav
-

हॅलो महाराष्ट्र ऑनलाईन । मनसे अध्यक्ष राज ठाकरे यांची आज भाजप प्रदेशाध्यक्ष चंद्रकांत पाटील यांनी कृष्णकुंज येथे आज भेट घेतली. दोन्ही पक्षातील युतीबाबतही चर्चा होऊ लागली आहे. अशात आता मनसेचे नेते बाळा नांदगावकर यांनी मोठे विधान केले आहे. मनसे व भाजप एकत्र आल्यास त्यांचा नकीच आनंद होईल. राज ठाकरे यांच्या रक्तातच हिंदुत्व आहे. त्यामुळे तसा काही प्रश्नच येत नाही,असे नांदगावकर यांनी म्हंटले आहे.

मनसेचे राज ठाकरे यांच्या भेटीनंतर चंद्रकांत पाटील यांनी मनसेसोबत युती करण्याबाबत चर्चा केली नसल्याचे सांगितले. मात्र, भाजपसोबत युती करण्याबाबत आता मनसे कार्यकर्त्यांमध्ये चर्चा होऊ लागली आहे. मनसे व भाजप युतीबाबत माध्यमांनी नांदगावकर यांना विचारले असता राज ठाकरे यांच्या रक्तातच हिंदुत्व आहे. त्यामुळे तसा काही प्रश्नच येत नाही. आम्ही हिंदुत्व घेऊनच जात आहोत. मात्र, मनसे आणि भाजप भविष्यात एकत्र येणार असेल तर आनंदच होईल.

मनसेचे अध्यक्ष राज ठाकरे व भाजपचे प्रदेशाध्यक्ष चंद्रकांत पाटील यांची काही दिवसांपूर्वी भेट झाली होती. त्यानंतर राज ठाकरे यांच्या भाषणाची सीडी चंद्रकांत पाटील यांनी ऐकल्यानंतर राज ठाकरे याना बहेणार असल्याचे सांगितले. यानंतर चंद्रकांत पाटील यांनी राज ठाकरे यांची त्यांच्या घरी जाऊन भेट घेत अनेक विषयांवर चर्चाही केली. तत्पूर्वी राज ठाकरे यांनी आपल्या पक्षातील पदाधिकारी, कार्यकर्ते यांची भेट घेत त्यांच्याशी अनेक विषयांवर चर्चा केली. यानंतर मनसेचे नेते बाळा नांदगावकर यांनी मनसे व भाजप बरोबरच्या युतीबाबत महत्वाचे विधान केले आहे.

1...3,7103,7113,712...6,772Page 3,711 of 6,772
©