औरंगाबाद | पैठण तालुक्यातील पाचोड येथील शिक्षक कॉलनीत राहणाऱ्या 21 वर्षीय तरुणीने ‘मम्मी-पप्पा मला माफ करा’ असे वाक्य वहीच्या पानावर लिहीत आत्महत्या केल्याची घटना घडली आहे. ही घटना शनिवारी 8 वाजेच्या सुमारास घडली. अद्याप तरुणीच्या आत्महत्येचे कारण अस्पष्ट आहे.

याबद्दल सविस्तर वृत्त असे की, अंजली काकासाहेब जाधव, वय 21 वर्ष असे मृत तरुणीचे नाव आहे. अश्विनीचे वडील अंतरवाली खांडी, ता. पैठण येथील जिल्हा परिषद शाळेत शिक्षक होते. अंजलीनेही नुकतेच पूर्ण केले होते. घरातील सदस्य अंगणात बसल्याचे पाहून अंजलीने घरात गळफास घेतला. आठ वाजेच्या सुमारास घरातील सदस्य जेवण करण्यासाठी घरात गेले असताना त्यांना अंजलीने गळफास घेतल्याचे घरच्यांचा निदर्शनास आले.

दरम्यान, घरातील सदस्यांच्या रडण्याच्या आवाजाने शेजारील नागरिक धावत आले. पाचोड पोलिसांना माहिती मिळताच पोलिसही दाखल झाले. अंजलीला खाली उतरवून ग्रामीण रुग्णालयात दाखल केले असता वैद्यकीय अधिकाऱ्यांनी तिला तपासून मृत घोषित केले. याप्रकरणी आकस्मात मृत्यूची नोंद पाचोड पोलीस ठाण्यात करण्यात आली आहे.

औरंगाबाद | सावंगी (हर्सूल) गावाजवळ असलेल्या कोलठाण या ठिकाणी होत असलेल्या समृद्धी महामार्गावर डोंगर फोडण्यासाठी जिलेटिनच्या काड्यांनी ब्लास्टिंग करण्यात आली. या ब्लास्टिंगमुळे एका घराची भिंत कोसळली असून 9 घरांना तडे पडले आहेत. याबाबत त्याठिकाणी राहणाऱ्या नागरिकांनी तक्रार केली परंतु एक महिना उलटला तरीही एमएसआरडीसीने तपास सुद्धा केलेला नाही.

औरंगाबाद जिल्ह्यातील 112 किलोमीटर लांबीचा ‘सुपरफास्ट एक्सप्रेस वे’ म्हणजेच बाळासाहेब ठाकरे समृद्धी महामार्गाचे काम सुरु आहे. लॉकडाऊनमुळे चौदा महिन्यापासून या रस्त्याचे काम खोळबले होते. कोलठाणा या गावातून हा मार्ग जात असून या गावाच्या पश्चिमेला डोंगर फोडून तर पूर्वेला असलेल्या डोंगरातून बोगदा तयार करण्याचे काम सुरू आहे. हे दोन डोंगर फोडण्यासाठी कंत्राटदार कंपनीने जिलेटिनच्या काड्यांचे स्फोट घडवले 30 मे रोजी पश्चिमेकडील असलेल्या डोंगराला स्फोट घडवून आणला त्याचवेळी गावातील घरांना जोरदार हादरे बसले. आणि यागावात असलेल्या संतोष जगदाळे यांच्या घराची एक भिंत पूर्णपणे कोसळली.

ही घटना घडल्यानंतर दुसऱ्या दिवशी म्हणजे 31 मे रोजी ग्रामस्थांनी एमएसआरडीसीकडे निवेदनाद्वारे तक्रार केली. त्यानंतर अधिकारी कर्मचारी येऊन पाहणी करतील, कंत्राटदार कंपनीला जिलेटिनच्या वापराबाबत काही निर्देश देतील. अशी अपेक्षा होती. परंतु आता तक्रार करूनही महिना झाला आहे. तरीही एमएसआरडीसीने या गावात पाय ठेवलेला नाही. तसेच सुखदेव दौंड, कचरू भालेराव, धोंडीराम भालेराव, प्रभाकर श्री सुंदर, भानुदास अधाने, मनोज जनार्दन जगदाळे यांच्या घरांना तडे गेले आहे. 30 मे रोजी ब्लास्टिंग वेळी घरांना तडे गेल्यानंतरही दोन्ही डोंगरांमध्ये ब्लास्टिंग सुरूच आहे. यामुळे या ठिकाणी राहणारे नागरिकांच्या मनात भीतीचे वातावरण निर्माण झाले आहे.