IRCTC खाते आधारशी ऑनलाइन लिंक करण्यासाठीची प्रोसेस समजून घ्या

By Akshay Patil Last updated Jun 21, 2022

हॅलो महाराष्ट्र ऑनलाईन । IRCTC कडून नुकतेच रेल्वे तिकीटच्या बुकिंगचे नियम बदलले गेले आहेत. आता या नवीन नियमांनुसार एका युझरला IRCTC च्या साईटवर एका महिन्यात दुप्पट तिकीट बुक करता येईल. अशा परिस्थितीत आयआरसीटीसीकडून तिकीट बुकिंगची संख्या वाढल्याने प्रवाशांना मोठा फायदाच होणार आहे. मात्र, इथे लक्षात घ्या कि प्रत्येक युझरला याचा फायदा घेता येणार नाही. आयआरसीटीसीने स्पष्ट केले आहे की ज्या युझर्सनी आपले आधार कार्ड आयआरसीटीसीखात्याशी लिंक केले आहे त्यांनाच डबल तिकिट बुक करता येईल.

यापूर्वी, ज्या युझर्सनी आपले IRCTC खाते आधारशी लिंक केले नव्हते त्यांना एका महिन्यात जास्तीत जास्त 6 ऑनलाइन तिकिटेच बुक करता येतील. मात्र आधारशी लिंक आयआरसीटीसीखाते असलेल्या युझर्सना एका महिन्यात 12 तिकिटे बुक करता येतील. मात्र आता IRCTC कडून या नियमात मोठा बदल करण्यात आला आहे. आता एका आधार लिंक्ड आयडी द्वारे एका महिन्यात 24 तिकिटे बुक करता येतील. जर आपण आपले आधार कार्ड आयआरसीटीसीशी लिंक केले नसेल तर एका महिन्यात फक्त 12 तिकिटेच बुक करू शकाल.