रॉचेस्टर (युनायटेड स्टेट्स) । रॉचेस्टर पोलिसांनी रविवारी पोलिस अधिकाऱ्यांच्या ‘बॉडी कॅमेरा’चे दोन व्हिडिओ प्रसिद्ध केले आहेत, ज्यामध्ये अधिकारी एका नऊ वर्षाच्या मुलीवर नियंत्रण मिळवण्यासाठी काहीतरी स्प्रे करताना दिसत आहे आणि मुलीचे हात देखील बांधलेले आहेत. तो ‘पेपर स्प्रे’ असल्याचे पोलिसांचे म्हणणे आहे. या व्हिडिओ वरून जगभरात अमेरिकन पोलिसांना टीकेचा सामना करावा लागतो आहे.
‘डेमोक्रॅट अँड क्रॉनिकल’ या वृत्तानुसार रॉशस्टरचे महापौर लवली वॉरेन यांनी शुक्रवारी ‘या घटनेतील पीडित मुली’ बद्दल चिंता व्यक्त केली आहे. ते म्हणाले, ‘मलाही दहा वर्षांची मुलगी आहे …. एक आई म्हणून आपल्याला हा व्हिडिओ पुन्हा कधीच पाहण्याची इच्छा नाही.’
जोर जोरात ओरडत होती मुलगी
वृत्तानुसार, ‘कौटुंबिक वादाची’ बातमी मिळाल्यानंतर शुक्रवारी एकूण नऊ अधिकारी घटनास्थळी पोहोचले. तिच्या वडिलांपासून विभक्त होण्याचा प्रयत्न करीत असताना व्हिडिओमध्ये मुलीचा ओरडण्याचा आवाज ऐकू येत होता. रविवारी उपपोलिस प्रमुख आंद्रे अँडरसन यांनी सदर मुलगी आत्मघातकी असल्याचे सांगितले. ते म्हणाले की,”तिला स्वत: ला मारायचे होते आणि आईलाही ठार मारण्याचा प्रयत्न करत होती”. ते पुढे म्हणाले की,” अधिकाऱ्यांनी तिला पेट्रोलिंग गाडीत बसवण्याचा प्रयत्न केला पण तिने त्यांना लाथ मारण्यास सुरूवात केली. पोलिस विभागाने मुलीवर नियंत्रण ठेवण्यासाठी ही कारवाई ‘आवश्यक’ असल्याचे म्हटले आहे.”
त्यांनी पुढे सांगितले की,” या अल्पवयीन मुलीची सुरक्षा आणि पालकांच्या विनंतीनुसार’ मुलीचे हात बांधले गेले आणि रुग्णवाहिका येईपर्यंत तिला पोलिसांच्या वाहनात बसविण्यात आले. पोलिस प्रमुख सिंथिया हॅरियट सुलिवान यांनी रविवारी सांगितले की,”मुलीवर ‘पेपर स्प्रे’ फवारण्यात आला.” तथापि, अधिकाऱ्यांच्या या कारवाईचा त्यांनी बचाव केला नाही.
त्या म्हणाल्या, ‘मी येथे उभे राहून असे म्हणणार नाही की नऊ वर्षाच्या मुलीवर पेपर स्प्रे करणे ठीक आहे .. कारण ते योग्य नाही आहे.’ त्या पुढे म्हणाल्या की,”एक विभाग म्हणून आपण काय आहोत हे प्रतिबिंबित होत नाही आणि पुन्हा तसे होऊ नये यासाठी आम्ही प्रयत्न करू.” पोलिसांनी सांगितले की,’ या मुलीला नंतर ‘रॉचेस्टर जनरल हॉस्पिटल’ मध्ये नेण्यात आले आणि तिथे तिच्यावर ‘उपचार’ करण्यात आले आणि नंतर कुटुंबीयांच्या स्वाधीन केले गेले. रॉचेस्टर पोलिस विभाग गेल्या वर्षी डॅनिअल प्रूडच्या प्रकरणात देखील अडकले होते, जेव्हा त्यांच्या काही अधिकाऱ्यांनी प्रुडचे डोके कापडाने झाकले आणि त्याचे तोंड फुटपाथवर दाबले.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.