आमची वायनरी असेल तर सोमय्यांनी ती ताब्यात घ्यावी; राऊतांचे प्रत्युत्तर

हॅलो महाराष्ट्र ऑनलाइन | शिवसेना खासदार संजय राऊत यांनी वाईन विक्री करणाऱ्या कंपनीत पार्टनरशीप आहे असा आरोप भाजप नेते किरीट सोमय्या यांनी केल्यानंतर राऊतांनी आता सोमय्यांना प्रत्युत्तर दिले आहे. जर आमची कोणती वायनरी असेल तर ती सोमय्यांनी ताब्यात घ्यावी असा पलटवार संजय राऊत यांनी केला.

व्यवसाय करणे हा गुन्हा आहे का? चोऱ्या करण्यापेक्षा व्यवसाय करणे कधीही चांगले अस म्हणत तुमची मुले काय चणे विकतात का असा उलट सवाल संजय राऊत यांनी केला. आम्ही ड्रग तरी विकत नाही असेही संजय राऊत यांनी म्हंटल. तसेच भाजपने अशा प्रकारचे घाणेरडे राजकारण बंद करावे असा इशारा त्यांनी केला.

किरीट सोमय्या यांनी काय आरोप केले??

संजय राऊत आणि त्यांच्या कुटुंबीयांची वाइन उद्योगात मोठी गुंतवणूक आहे. संजय राऊत यांच्या दोन्ही मुली आणि पत्नी एका वाइन वितरणाचा व्यवसाय असलेल्या कंपनीत भागीदार असल्याचा गौप्यस्फोट भाजप खासदार किरीट सोमय्या यांनी केला. . १६ एप्रिल २०२१ रोजी संजय राऊत यांनी अशोक गर्ग यांच्याशी भागीदारी केली. त्यांच्या कन्या विधिता आणि पूर्वशी राऊत या दोघीही कंपनीत भागीदार आहेत. संजय राऊत यांनी आपल्या हितसंबंधांची माहिती जाहीर करायला हवी होती, असे किरीट सोमय्या यांनी म्हटले.