हॅलो महाराष्ट्र ऑनलाईन । कोरोना व्हायरस लॉकडाऊनमुळे प्रत्येकाला अडचणींचा सामना करावा लागत आहे. अशातच हे लॉकडाऊन आणखी वाढविण्यात येईल, अशी घोषणाही पंतप्रधान नरेंद्र मोदींनी नुकतीच केली आहे. अशा परिस्थितीत असे बरेच टीव्ही स्टार्स आहेत जे आजकाल आर्थिक संकटातून जात आहेत. शूटिंगही बंद आहेत आणि त्यामुळे कमाईही. अलीकडेच सयंतनी घोष आणि विनीत रैना या कलाकारांनी त्यांना येणाऱ्या आर्थिक अडचणींबद्दल सांगितले होते. आता छोट्या पडद्यावरील अभिनेत्री सोनल वेंगुर्लेकर हिनेही सोशल मीडियाच्या माध्यमातून सांगितले की ती सध्या आर्थिक संकटात सापडली आहे.
मेकमॅनने अभिनेत्री सोनलला केली मदत
आर्थिक संकटात सापडलेल्या या अभिनेत्रीला अखेर तिच्या मेकअप मॅनने मदत केली, सोनल वेंगुर्लेकरनेही तिच्या मेकअपमॅनचे सोशल मीडियावर आभार मानले आहेत. तिच्या मेकअप मॅनचे आभार मानताना सोनलने लिहिले की, “आज मी हे माझ्या मेकअप मॅनबरोबर शेअर करत आहे की, पुढील महिन्यातल्या खर्चासाठीही माझ्याकडे जास्त पैसे नव्हते, कारण बऱ्याच निर्मात्यांनी माझे पैसे अजूनही दिलेले नाहीत. आणि ते बराच काळ रखडले आहेत.
मेकमॅनची पत्नी आहे गरोदर
सोनलने लिहिले की, मला माझ्या मेकमॅनची चिंता होती, तो या परिस्थितीला कसा समोर जाईल, त्याची पत्नी गरोदर आहे आणि त्यासाथीचा खर्चही बराच आहे. परंतु त्याच्याकडून मला आलेल्या मेसेजची मी अपेक्षा केली नव्हती. त्याचा मेसेज वाचताच माझ्या डोळ्यांत पाणी आले. मेकअपमॅन मला म्हणाला, “मॅम, माझ्याकडे आत्ता १५ हजार रुपये आहेत, तुम्हाला हवे असल्यास तुम्ही घ्या, आणि माझ्या बायकोच्या डिलिव्हरीवेळी परत द्या.”
सो कॉल्ड श्रीमंत लोकं मनानेही श्रीमंत होऊ देत
सोनलने आपल्या पोस्टमध्ये पुढे लिहिले, “मला आश्चर्य वाटले की ज्यांच्याकडे माझे लाखो रुपये अडकले आहेत ते माझा फोनही उचलण्यास तयार नाहीत, त्यांनी मला ब्लॉक केले आहे आणि माझे कष्टाने कमावलेले पैसेही ते परत करण्यास तयार नाहीत. माझा एक मेकअप मॅन पंकज गुप्ता जो नेहमी मला माझ्या कुटूंबासारखा आहे तो मला पैसे देत आहे. सर्वात मोठी गोष्ट ही नाही कि त्याने मला पैसे दिले, मोठी गोष्ट ही आहे की अजूनही त्याच्याकडे पैसे नाही आहेत, परंतु यानंतरही, त्याने माझ्याबद्दल विचार केला. हे सो कॉल्ड श्रीमंत लोकं मनानेही श्रीमंत होऊ देत. मला यासारख्या लोकांसाठी वाईट वाटते. ” सोनलने ‘शास्त्री सिस्टर्स’, ‘ये वादा रहा’ आणि ‘साथ दौंड भिडे’ अशा बर्‍याच शोमध्ये काम केले आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.