कोण आहे ‘ती’ चिनी महिला? जिने नेपाळला नवा नकाशा बनवण्यासाठी भडकवला

हॅलो महाराष्ट्र ऑनलाईन । नेपाळच्या राष्ट्राध्यक्षांनी देशाच्या वादग्रस्त राजकीय नकाशाला मान्यता दिली. यानंतर नेपाळने उत्तराखंडमध्ये भारताच्या सीमेवर सशस्त्र जवान तैनात केले आहेत. या नव्या नकाशामध्ये नेपाळ भारतातील तीन क्षेत्रांना आपले असल्याचे सांगत आहे. लिपुलेख, कालापानी आणि लिंपियाधूरा हे भाग भारतासाठी सामरिकदृष्ट्या महत्त्वाचे राहिले आहेत. असा विश्वास आहे की भारताच्या या क्षेत्रांना आपले सांगण्याचे काम नेपाळने चीनच्या चिथावणीमुळे केलेले आहे. विशेषत: नेपाळमधील चिनी राजदूत होऊ यांगी यांनी पंतप्रधान ओली यांना यासाठी राजी केले. त्यानंतरच ओली यांनी असा नकाशा तयार केला. याकडे भारताविरूद्धचे एक मोठे पाऊल म्हणून पाहिले जात आहे, तसे पहिले तर नेपाळशी भारताचे संबंध नेहमीच चांगले राहिलेले आहेत. चला तर मग जाणून घेउयात कोण आहेत होऊ यांगी…

चिनी नागरिक असलेल्या होऊ यांगी 2018 पासून नेपाळमध्ये चिनी राजदूत आहेत. त्यांना दक्षिण आशियाई कारभाराचे जाणकार मानले जाते. त्यानुसार, यांगी यांनी परराष्ट्र व्यवहार मंत्रालयात दीर्घकाळ उपसंचालकांची भूमिका देखील निभावली आणि अनेक महत्त्वपूर्ण निर्णय घेतले, ज्यामुळे चीनचे शेजारील देशांशी संबंध प्रभावित झाले. यांगी यांनी पाकिस्तानमध्येही चिनी राजदूत म्हणून तीन वर्षे घालविली आहेत.

यांगी यांच्या मुत्सद्दी मनाचा यावरून अनुमान काढता येतो की, एक्दम वेगळी संस्कृति असलेल्या देशामध्ये बांधिलकी जपली जावी यासाठीहोऊ यांगी यांनी उर्दू भाषा शिकली. तसेच सामाजिक संमेलनाच्या निमित्ताने त्या राजकारण्यांशी अस्खलित उर्दू बोलत असे त्यामुळे त्या त्यांच्यातीलच एक वाटायच्या.

भारतीय गुप्तचर यंत्रणांच्या म्हणण्यानुसार, यांगीने पाकिस्तानमध्ये राजदूत म्हणून काम केले आणि बर्‍याच पाकिस्तानी धोरणांसाठी काम केले जे काही प्रमाणात भारताशी संबंधित होते. पाकिस्तानसारख्या गुंतागुंतीच्या देशात तीन महत्त्वाची वर्षे घालवल्यानंतर यांगीला नेपाळ येथे पाठवण्यात आले. राजदूत म्हणून यांगीचे यश यामागे असल्याचे मानले जाते. भारत-नेपाळचे संबंध पूर्वी मोठ्या भावासारखे आरामदायक होते आणि तेथे मुत्सद्दी संघर्षाची शक्यताही नव्हती. असा विश्वास आहे की नेपाळच्या पंतप्रधानांच्या या वादग्रस्त नकाशामागे यंगीचाच हात आहे. त्यांनी यासाठी पंतप्रधान ओली आणि नेपाळचे संसद यांना तयार केले.

मिळालेल्या माहितीनुसार, यांगीचे पंतप्रधान ओली यांच्या कार्यालयात आणि त्यांच्या निवासस्थानीही येणे जाणे होते. नेपाळच्या स्थानिक राजकारणामध्ये या राजदूताची मजबूत पकड असल्याचा अंदाज वर्तविला जात आहे. त्याच वेळी, हा नकाशा बदलण्यासाठी घटना दुरुस्ती विधेयक तयार करणारे नेपाळच्या सत्ताधारी पक्षाचे प्रतिनिधी हे ही, यांगी यांच्याशी सतत संपर्क साधून होते.

नेपाळच्या या नवीन नकाशा सादर करण्याला चीनचे षडयंत्र म्हणून आधीपासूनच पाहिले जात होते हे विधेयकदेखील मंजूर झाले नव्हते. अगदी भारतीय लष्कर प्रमुख एम.एम. नरवणे यांनीही आता या गोष्टीचा इशारा दिला आहे की, नेपाळमध्ये आता बीजिंगच्या शक्ती काम करत आहेत. लीपलेख मध्ये भारताच्या रस्ते बनवण्याच्या कामाला विरोध करण्याच्या नेपाळच्या मागे चीन हाच आहे. असे मानले जाते आहे की या चिनी राजदूताने या वादग्रस्त नकाशासाठी काम केले जेणेकरुन भारताचे त्रास वाढतील.

चीन लडाखमधील गलवान खोऱ्यातही सतत भारताबरोबर कुरापती काढतो आहे. आणि एकीकडे काश्मीरमध्ये पाकिस्तान सतत दहशतवादी कारवाया वाढवतो आहे. या सर्वांच्या मध्ये भारतात कोरोनाचेही प्रमाणही झपाट्याने वाढले आहे. सर्व बाजूंनी भारतावर दबाव वाढवण्यासाठी चिनी राजदूत यांगी यांनी नेपाळच्या पंतप्रधानांना चिथावणी दिली.

मात्र, यांगी या सध्या चीनमधील महत्वाच्या राजदूतांमध्ये गणल्या जातात आणि त्यांची पोस्टिंग पहिली पाकिस्तानमध्ये आणि त्यानंतर नेपाळमध्ये होणे हे चीनच्या विशिष्ट रणनीतीकडे लक्ष वेधून घेते.

यांगीने जगभरात आपल्या देशाचे स्थान मजबूत करण्यासाठी सोशल मीडियाचा देखील वापर केला आहे. विशेषत: ट्विटरवर त्या चीनची प्रतिमा सुधारण्यासाठी प्रसिध्द आहे. या सोशल मीडिया प्लॅटफॉर्मवर, त्या चीनच्या सांस्कृतिक आणि सामाजिक गोष्टींबद्दल सतत बोलतात जेणेकरुन मोठ्या प्रमाणात लोकांच्या मनात चीनविषयीची स्थिती सुधारू शकेल. याला राजकीय दृष्टीने वाढती सॉफ्ट पॉवर असे म्हणतात.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.