ZOOM अ‍ॅप सुरक्षित नाही – गृह मंत्रालय

ताज्या मराठी बातम्यांसाठी आमचा ग्रुप जॉईन करा
WhatsApp Group Join Now
Google News Join Now

हॅलो महाराष्ट्र ऑनलाईन । कोरोनाच्या संकटामुळे संपूर्ण देशात लॉकडाउन सुरूच आहे.अशा परिस्थितीत लोक घरातूनच काम करत आहेत.ज्यामुळे व्हिडिओ कॉल आणि कॉन कॉलचा वापर सध्या वाढला आहे. यावेळी, लोक झूम व्हिडिओ कॉन्फरन्सिंग अ‍ॅप देखील बरेच वापरत आहेत. परंतु या दरम्यान केंद्रीय गृह मंत्रालयाने झूम अ‍ॅपसाठी एक अ‍ॅडव्हायझरी लागू केली आहे. गृह मंत्रालयाने सांगितले की हे अ‍ॅप सुरक्षित नाही, लोकांनी याचा वापर काळजीपूर्वक करावा.

गृहमंत्रालयाच्या वतीने असे सांगितले जात होते की सरकारने यापूर्वीही ६ फेब्रुवारी आणि ३० मार्च रोजी यासंदर्भात माहिती दिली होती, त्यामुळे त्याचा उपयोग करण्याबाबत सावध रहा. मंत्रालयाने म्हटले आहे की जर एखादी व्यक्ती हे अ‍ॅप वापरत असेल तर काही महत्त्वाच्या गोष्टींची काळजी घ्या आणि पासवर्ड सतत बदलत रहा.तुमच्या व्हिडिओ कॉन्फरन्स कॉलमध्ये कोणालाही अनुमती देण्यापूर्वी काळजी घ्या.

झूम अ‍ॅप वापरताना सावध राहण्यासाठी गृहमंत्रालयाने दिलेल्या सूचना खालीलप्रमाणे आहेत.

> प्रत्येक मीटिंगसाठी नवीन यूजर आयडी व पासवर्ड वापरा.
>> जॉईन होण्याचा ऑप्शन डिसऐबल करा.
>> वेटिंग रूम अनेबल करा, जेणेकरून कॉन्फरन्स घेणारा परवानगी देईल तेव्हाच अन्य कोणताही युझर  कॉलमध्ये सामील होऊ शकेल.
>> फक्त होस्टकडे स्क्रीन शेअरिंगचा पर्याय असू द्यावा.
>> फाईल ट्रान्सफर ऑप्शनचा कमी वापर करावा.
>> एखाद्या व्यक्तीसाठी रीजॉइनचा ऑप्शन बंद ठेवावा.

 

लाखो लोकांचा डेटा विकला जात आहे
हे लक्षात घेण्यासारखे आहे की कोरोना लॉकडाऊनमुळे झूम वापरकर्त्यांची जगभरात वेगाने वाढ झाली आणि आता प्रायवसीसंदर्भात एक मोठी समस्या उद्भवली आहे.ब्लीडिंग कंप्यूटरच्या ताज्या अहवालानुसार डार्क वेबमध्ये ५ लाखाहून अधिक झूम खाती विकली जात आहेत. आश्चर्य म्हणजे येथे कोट्यवधी लोकांचा डेटा अगदी स्वस्तात विकला जात आहे.बर्‍याच ठिकाणी झूम वापरकर्त्यांचा डेटा विनामूल्य देण्यात येत आहे.अहवालानुसार झूम वापरकर्त्यांना त्यांचा डेटा विकला जात आहे हे माहितदेखील नाहीये. यात युझरचे नाव,पासवर्ड आणि वापरकर्त्याद्वारे प्रविष्ट केलेल्या बर्‍याच माहितीचा समावेश आहे.

प्रति खाते १० पैशांपेक्षा कमी किंमतीत झूम अ‍ॅपच्या युझर्सचा डेटा खरेदी केला गेला
या कंपनीने ५ लाखाहून अधिक झूम वापरकर्त्याची क्रेडेंशियल म्हणजे लॉगइन डिटेल्स खरेदी केल्याचा दावा सायबर सिक्युरिटी फर्म Cyble ने केला आहे. तथापि,या फर्मने असेही म्हटले आहे की हे वापरकर्त्यांना इशारा देण्यासाठी केले गेले आहे.या फर्मने म्हटले आहे की हा डेटा प्रत्येक खात्यासाठी १० पैशांपेक्षा कमी किंमतीत खरेदी केला गेला आहे.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.

 

Leave a Comment