हॅलो महाराष्ट्र ऑनलाईन । गेल्या ७० दिवसांपासून बंद असलेली सोन्याची दुकाने आता उघडत आहे. मात्र कोरोनामुळे या बदललेल्या वातावरणात ज्वेलर्सनीही बर्‍याच गोष्टी बदलल्या आहेत. सध्याच्या या वातावरणात जर आपण सोन्याचे दागिने खरेदी करण्यासाठी गेल्यास तर तुम्हाला अगदी नवीन वस्तू पहायला मिळतील. गेल्या दोन दिवसांत सोन्याच्या किंमतींमध्ये मोठी घसरण झाली आहे. शुक्रवारी दिल्ली बुलियन मार्केटमधील १० ग्रॅम सोन्याची किंमत ही २० रुपयांनी घसरून ४७२६८ रुपये झाली आहे. गुरुवारी दिल्लीत सोन्याच्या दहा ग्रॅमच्या किंमती २७४ रुपयांनी घसरल्या नंतर ती ४७,१८५ रुपयांच्या पातळीवर गेली आहे. बुधवारी पहिल्याच दिवशी सोन्याची किंमत १० ग्रॅम साठी ४७,४५९ रुपये होती.
आता आपल्या जवळच्या ज्वेलर्सच्या दुकानातही बरेच बदल झाले आहेत
देशाची राजधानी दिल्लीत आताज्वेलर्सची दुकाने सुरू झाली आहेत. आता येथे येणाऱ्या ग्राहकांचे थर्मल स्क्रीनिंग करण्यात येत आहे. तसेच मास्क आणि हातमोजे घालूनच शोरूममध्ये प्रवेश करणे अत्यावश्यक झाले आहे. कर्मचारी आणि ग्राहकांसाठी सोशल दिस्तानसिंग अवलंबले जात आहे.
यावेळी एंट्री गेटवरच सॅनीटायजेशनची व्यवस्था देखील करण्यात आलेली आहे. दागिन्यांच्या सॅनीटायजेशनसाठीही एक नवीन मार्ग अवलंबला जात आहे. दागिन्यांमध्ये आता UV रेज़ द्वारे संक्रमणाचा धोका कमी केला जात आहे. ग्राहकाने दागदागिन्यांना स्पर्श केल्यानंतर UV बॉक्समध्ये घातले जातात. ज्वेलर्स असे म्हणतात की या UV किरणांमुळे दागिन्यांच्या गुणवत्तेवर कोणताही परिणाम होत नाही.
ज्वेलर्स डिस्काउंट देत आहेत
ग्राहकांना आकर्षित करण्यासाठी अनेक मोठे ज्वेलर्स सध्या डिस्काउंट देत आहेत. कारण गेल्या काही दिवसांत दागिन्यांच्या मागणीत तीव्रपणे घट झाली आहे. संध्यच्या आर्थिक पेचप्रसंगी जेव्हा बाजारात सर्वाधिक गोंधळ दिसून येतो तेव्हा सोन्यात गुंतवणूक करणे हा सर्वात उत्तम पर्याय मानला जातो. कारण तेथे कमी जोखीम आणि चांगल्या उत्पन्नाची हमी आहे. गेल्या एका वर्षात सोन्यावर सुमारे ४० टक्के रिटर्न मिळाला आहे.
वर्ल्ड गोल्ड कौन्सिलच्या अहवालानुसार सन २०२० च्या पहिल्या तिमाहीत सोन्यातील गुंतवणूकीसाठी प्रचंड मागणी आहे. या अहवालात असे म्हटले आहे की, या वर्षाच्या आधारावर सोन्याची मागणी ८० टक्क्यांनी वाढून ५३९.६ टनांवर पोहोचली आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.