हॅलो महाराष्ट्र ऑनलाईन । टोकियो आणि इतर मोठ्या शहरांमध्ये नुकत्याच झालेल्या कोविड -१९ प्रकरणांच्या वाढीमुळे जपानचे पंतप्रधान शिंजो आबे देशात आणीबाणीची स्थिती जाहीर करण्याचा विचार करीत आहेत, अशी माहिती सरकारी सूत्रांनी सोमवारी दिली. टोकियोचे गव्हर्नर युरीको कोइके आणि जपान मेडिकल असोसिएशनने केलेले आवाहन आणि कोविड -१९ प्रकरणांमध्ये नुकत्याच झालेल्या वाढीच्या पार्श्वभूमीवर अबे यांच्यावर ही घोषणा करण्याचा दबाव वाढवला जात आहे.
टोकियो मेट्रोपॉलिटन सरकारने आरोग्य तज्ज्ञांसह सांगितले की कोरोनो विषाणूच्या रूग्णांसाठी उपलब्ध असलेल्या रुग्णालयातील बेडची संख्या लवकरच संपणार आहे, त्यामुळे आरोग्य मंत्रालय अधिकाधिक बेडची व्यवस्था करण्याचा प्रयत्न करीत आहे.कोरोनो विषाणूची प्रकरणे सतत वाढत राहिल्यास देशातील आरोग्य यंत्रणा कोलमडू शकते असा इशारा सरकारी तज्ज्ञांच्या समितीने नुकताच दिला आहे.तज्ञांनी असा निष्कर्ष काढला आहे की टोकियो आणि इतर चार प्रांतांमध्ये आरोग्य सेवा प्रणालीवरील ताण वाढत आहे, म्हणूनच “फार वेगाने पाऊले उचलण्याची गरज आहे”.
अशा परिस्थितीत आपत्कालीन स्थिती घोषित करण्यासाठी आबे यांना वैद्यकीय तज्ञ असलेल्या सल्लागार समितीचा सल्ला घ्यावा लागेल. तसेच त्यासाठी आपत्कालीन पातळीवरील विशिष्ट निकषांची पूर्तता करणे आवश्यक असेल.रविवारी, टोकियोमध्ये कोविड -१९ चे १३३ नवीन रुग्ण आढळले आहेत. राजधानीत एकाच दिवसातीळ रुग्णांची हि सर्वाधिक नोंद झाली आहे. रविवारी दुपारपर्यंत राजधानीत एकूण १०३४ आणि जपानमध्ये ३५३१ रुग्ण आढळले.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’
हे पण वाचा –
राज्यातील कोरोनाग्रस्तांच्या संख्येत झपाट्याने वाढ, संख्या पोहोचली ७८१ वर
‘कोरोना’ आणि ‘व्हायरस’ नावाची भानगड नक्की काय आहे ?
करोना फोफावतोय; पिंपरी-चिंचवडमध्ये १९, तर मुंबईत ११ जणांना संसर्ग
कोरोनापासून वाचण्यासाठी घरच्या घरी ‘असा’ बनवा मास्क
शाळा, महाविद्यालय सुरू करण्याचा निर्णय १४ एप्रिललाच- केंद्र सरकार