जर तुम्ही SBI एटीएममधून पैसे काढत असाल तर सावध व्हा, आता बॅलन्स कमी असेल तर भरावा लागेल दंड

हॅलो महाराष्ट्र । जर तुमचे स्टेट बँक ऑफ इंडिया (SBI) मध्ये खाते असेल आणि तुम्ही एटीएम कार्ड वापरत असाल तर तुमच्यासाठी ही महत्वाची बातमी आहे. एटीएम ट्रान्सझॅक्शनच्या बाबतीत एसबीआयने नवीन नियम जारी केले आहेत. आता ट्रान्सझॅक्शन फेल झाल्यास तुम्हाला दंड भरावा लागेल. म्हणजेच जर आपण कळत किंवा नकळत पणे एटीएममधून अधिक पैसे काढण्याचा प्रयत्न केला आणि आपल्या खात्यात तेवढी रक्कम नसेल तर आपल्याला आता दंड भरावा लागेल.

दंड किती असेल?
एसबीआयच्या नवीन नियमांनुसार, पैशाअभावी ट्रान्सझॅक्शन फेल झाल्यास बँक दंड म्हणून 20 रुपये आणि खातेदारांकडून स्वतंत्र जीएसटी वसूल करेल. तसेच, भारतातील सर्वात मोठ्या व्यावसायिक बँकेच्या आर्थिक व्यवहारावर दंड आकारणी केली जाईल.

दंड टाळण्यासाठी काय करावे?
जर तुम्हाला हा दंड टाळायचा असेल तर आपल्याला आपल्या खात्यातील शिल्लक माहित असणे आवश्यक असेल. यासाठी आपल्याकडे मिस कॉल आणि एसएमएस सुविधा असे पर्याय आहेत. तुम्ही कस्टमर केअरवर कॉल करून देखील बॅलन्सची माहिती मिळवू शकता. एटीएममधून पैसे काढण्यापूर्वी नेहमीच बॅलन्सची माहिती असणे केव्हाही चांगले.

मेट्रो सिटीतील ग्राहकांसाठी सुविधा
एसबीआय एका महिन्यात मेट्रो शहरांमधील आपल्या नियमित बचत खातेधारकांना 8 फ्री ट्रान्सझॅक्शन करण्यास परवानगी देते. यामध्ये एसबीआयच्या 5 एटीएममधून फ्री ट्रान्सझॅक्शन आणि इतर कोणत्याही बँकेच्या 3 एटीएमचा समावेश आहे. अधिक ट्रान्सझॅक्शनसाठी बँक शुल्क आकारते.

एसबीआयकडे तक्रार नोंदवण्यासाठी काय करावे?

पहिले आपण एसबीआय वेबसाइटवर लॉग इन करा, त्यानंतर त्याच्या CMS पोर्टलवर जा.

येथे ग्राहकाला त्याची माहिती भरावी लागेल. जसे की खाते क्रमांक, तक्रारदाराचे नाव, ब्रॅन्च कोड, मोबाइल नंबर, ईमेल आयडी, तक्रार श्रेणी, उत्पादन आणि सेवा संबंधित.

हे सर्व तपशील भरल्यानंतर, कॅप्चा कोड (Captcha code) एंटर करा आणि नंतर सबमिट बटणावर क्लिक करा.

यशस्वीपणे सबमिशन केल्यावर आपल्याला तक्रार क्रमांक मिळेल. ज्याद्वारे आपण स्टेटस शोधण्यास सक्षम असाल. म्हणजेच, आपल्याला प्रक्रियेबद्दल संपूर्ण माहिती मिळविणे सुरू राहील. तुम्हाला एसएमएस व ईमेलद्वारे तक्रार क्रमांकही मिळेल.

आपल्या तक्रारीची चौकशी केली जाईल आणि 7 दिवसांच्या आत त्याचे निराकरण केले जाईल. आपल्या तक्रारीवर काय कारवाई केली गेली याबद्दल आपल्याला एक मेसेज देखील मिळेल.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”

You might also like