हॅलो महाराष्ट्र । ई-कॉमर्स कंपन्या फेस्टिव्ह सेल सुरू करणार आहेत. जर तुम्हीही खरेदीसाठी लिस्ट तयार केली असेल तर तुम्ही काळजीपूर्वक खरेदी करा. आम्ही आपल्याला घाबरणार नाही मात्र आपल्याला सावध करीत आहोत कारण यावेळी बनावट वस्तू देखील मोठ्या प्रमाणात विकल्या जातात. वास्तविक, कोणालाही ऑनलाइन शॉपिंगमध्ये उपलब्ध असलेल्या अनेक सवलती पाहून खरेदी करण्याचा मोह होऊ शकतो, परंतु ग्राहक म्हणून आपल्याला थोडे सावध असणे आवश्यक आहे. विशेषत: जेव्हा आपण इलेक्ट्रॉनिक्स, ब्रांडेड फुटवेअर आणि एपेरल किंवा खाद्यपदार्थ ऑनलाइन खरेदी करीत असाल. ऑथेंटिकेशन सोल्यूशन प्रोव्हाईडर्स असोसिएशनच्या म्हणण्यानुसार या प्रकारांमध्ये बनावट वस्तू इतक्या चतुराईने विकल्या जातात की कोणालाही अगदी सहज फसवले जाऊ शकते.
केवळ अधिकृत वेबसाइटवरूनच खरेदी करा
ऑथेंटिकेशन सोल्यूशन प्रोव्हाईडर्स असोसिएशनचे अध्यक्ष नकुल पसरीचा म्हणाले की, कोणत्याही ऑफरने भरलेल्या मेलच्या सापळ्यात कोणीही पडू नये. वेब ब्राउझरच्या मदतीने वेबसाइट खरी आहे की बनावट आहे ते ओळखा. बर्‍याच वेळा ऑफरने भरलेले हे मेल आपल्याला बनावट वेबसाइटच्या प्लॅटफॉर्मवर घेऊन जातात.
याबद्दल सावध रहा.
पार्सल उघडताना फोनवरून करा रेकॉर्डिंग
दुसरी सर्वात मोठी टिप अशी आहे की, जेव्हा खरेदी केलेला माल डिलिव्हर केला जातो तेव्हा पार्सल उघडताना मोबाईल फोनवरून रेकॉर्डिंग बनवा जेणेकरुन बनावट वस्तू परत करता येईल. क्यूआर कोड आणि होलोग्राम स्टिकर वरून देखील वस्तू बनावट आहे कि खोटी ओळखता येईल. पसरीचा म्हणतात की, बनावट वस्तू विकणाऱ्या लोकांकडून ग्राहकांना संरक्षण देण्यासाठी आता बर्‍याच कंपन्यांनी विशेष क्यूआर कोड आणि होलोग्राम स्टिकर लावायला सुरूवात केली आहे, विशेषत: इलेक्ट्रॉनिक आणि एफएमसीजी वर, ज्याद्वारे ते खरे आणि बनावट ओळखता येते.
ब्रँड स्पेलिंग आणि पॅकेजिंग तपासा
जर आपण ऑनलाइन मिठाई, स्नॅक्स किंवा चॉकलेट हॅम्पर विकत घेत असाल तर आपण ज्या ब्रँडचे प्रॉडक्ट खरेदी करीत आहात त्या ब्रँडचे स्पेलिंग व पॅकेजिंग तपासा. याशिवाय तुम्ही फूड रेगुलेटर एफएसएसएआई (FSSAI)च्या स्मार्ट कन्झ्युमर अॅपचीही मदत घेऊ शकता.
एका अंदाजानुसार, 2018-19 मध्ये बनावट वस्तू ऑनलाइन विकल्याच्या घटनांमध्ये 24 टक्क्यांनी वाढ झाली आहे. यावर्षी कारण कोरोनामुळे ऑनलाइन शॉपिंगचा ट्रेंड जास्त आहे, म्हणूनच फसवणूकीची शक्यता अधिक आहे. ऑनलाइन मिळणाऱ्या स्वस्त वस्तूंच्या बाबतीत आपण फसवणूकीला शिकार व्हायायचे नसेल तर वरील टिप्स लक्षात घेऊन खरेदी करा.
ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.