हॅलो महाराष्ट्र ऑनलाईन । भाजप प्रदेशाध्यक्ष चंद्रकांत पाटील यांनी मुख्यमंत्री उद्धव ठाकरे आणि राष्ट्रवादी काँग्रेस अध्यक्ष शरद पवार यांच्यावर टीका केली होती. त्यानंतर शिवसेना खासदार संजय राऊतांनी पाटील यांच्यावर टीका केली. त्याच्या टीकेनंतर भाजप नेते अतुल भातखळकर यांनी राऊतांना टोला लगावला आहे. “तुम्ही खुर्च्याच उचला…,”अशा तीन शब्दात भातखळकरांनी टीका केली आहे.
भाजप प्रदेशाध्यक्ष चंद्रकांत पाटील यांनी काल शरद पवार आणि संजय राऊत यांनी भविष्यवाणी केल्याचे सांगत मुख्यमंत्री आणि पवारांवर टीका केली होती. त्यानंतर आज संजय राऊत यांनी चंद्रकांत पाटील याच्या कालच्या वक्तव्याचा समाचार घेतला. पवार यांच्याइतकी राजकारणाची, समाजकारणाची आणि व्यक्तिमत्वाची उंची आधी गाठा. तुमच्यासारखी जी टेकाडं आहेत त्यांना सह्याद्री किंवा हिमालयाच्या उंचीशी स्पर्धा करता येणार नाही,” असे राऊत यांनी म्हंटले. राऊतांच्या प्रत्युत्तरावर भाजप नेते अतुल भातखळकर यांनीही जोरदार पलटवार केला आहे.
भातखळकरांनी राऊतांना टोला लगावला असून “तुम्ही खुर्च्याच उचला,” असे म्हंटले आहे. अतुल भातखळकर यांनी राऊतांना खुर्चीवरून लगावलेल्या टोलयावरून पुन्हा एकदा संसदेच्या हिवाळी अधिवेशनावेळी निलंबित १२ खासदारांच्या संसदेबाहेर निदर्शनवेळी घडलेल्या घटनेची आठवण करून दिली आहे.
यावेळी राष्ट्रवादी काँग्रेसचे अध्यक्ष शरद पवार यांनी तिथे हजेरी लावली होती. दरम्यान यावेळी शरद पवारांसाठी संजय राऊत खुर्ची आणत असल्याचा एक फोटो सोशल मीडियावर व्हायरल झाला. या फोटोवरुन विरोधकांनी संजय राऊत यांच्यावर टीका केली होती. आता पुन्हा भाजप नेते अतुल भातखळकर यांनी आठवण करून दिली आहे.