हॅलो महाराष्ट्र ऑनलाईन । शिवसेना खासदार संजय राऊत यांनी काल शिवसेना भवनात पत्रकार परिषद घेतली. यावेळी त्यांनी भाजप नेते देवेंद्र फडणवीस, किरीट सोमय्या यांच्यासह अनेक नेत्यांवर भ्रष्टाचाराचे गंभीर आरोप केले. राऊतांच्या आरोपानंतर भाजपचे प्रदेशाध्यक्ष चंद्रकांत पाटील यांनी हल्लाबोल केला आहे. “खरं तर संजय राऊतच मुख्यमंत्री उद्धव ठाकरे यांना डुबवणार आहेत, अशी टीका पाटील यांनी केली आहे.
चंद्रकांत पाटील यांनी आज माध्यमांशी संवाद साधला. यावेळी ते म्हणाले की, इतिहासात ज्या काही घटना घडल्या आहेत. त्या काही कारणाने पुन्हा बाहेर काढल्या जातात. १९९३ साचा बॉम्बस्फोटाची घटना असो, कालपासून ईडीचेही धाडसत्र सुरु झाले. याबाबत प्रतिक्रिया या उमटू लागल्या आहेत. संजय राऊत याच्या संबंधित किरीट सोमय्या यांनी काही मुद्दे उपस्थित केले तर अब्रू नुकसानीचा दावा केला जातो.
मात्र, अशा प्रकारे पत्रकार परिषद घेऊन काय दाखवण्याचे काम केले. खर तर कालच्या पत्रकार परिषदेत एकपात्री प्रयोग झाला. त्यामध्ये अभिनयाचे सर्व प्रयोग केले गेले. आदरणीय शरद पवार यांच्या अजेंड्यावर राहणारे संजय राऊत हे उद्धव ठाकरे यांना डुबवणार आहेत, अशी टीका चंद्रकांत पाटील यांनी केली आहे. त्यांच्या टिकेनंतर खासदार संजय राऊत काय उत्तर देणार हे पाहावे लागणार आहे.