आधारशी संबंधित हे काम मार्गी लावण्यासाठी आता फक्त 3 दिवसच शिल्लक आहेत! घाई करा अन्यथा होईल मोठे नुकसान

हॅलो महाराष्ट्र । केंद्र सरकारने ‘वन नेशन-वन राशन कार्ड’ (One Nation-One Ration Card) योजना लागू केली आहे. यामधून आपल्या रेशनकार्डवर देशाच्या कोणत्याही भागात राहणारी कोणतीही व्यक्ती स्वस्त दरात सार्वजनिक वितरण प्रणालीद्वारे (PDS) अन्नधान्य घेऊ शकते. मात्र, यासाठी आपल्या रेशनकार्डला आपल्या आधारशी (आधार कार्ड-रेशन कार्ड लिंक करणे) जोडले जाणे आवश्यक आहे. रेशन कार्डला आधार कार्डाशी जोडण्याची अंतिम मुदत 30 सप्टेंबर 2020 आहे, म्हणजेच या कामासाठी आता आपल्याकडे फक्त तीनच दिवस शिल्लक आहेत.

केंद्राने सर्व राज्ये आणि केंद्रशासित प्रदेशांना सूचना दिल्या
ठरलेल्या वेळात जर तुम्हाला रेशनकार्ड आधार कार्डशी लिंक करता आले नाही तर PDS कडून तुम्हाला फक्त 30 सप्टेंबर पर्यंतच धान्य मिळेल. म्हणूनच, आपल्या रेशनकार्डला त्वरित आधार कार्डशी लिंक करा. मात्र, केंद्रीय ग्राहक व्यवहार, अन्न व सार्वजनिक वितरण मंत्रालयाने सर्व राज्ये आणि केंद्रशासित प्रदेशांना स्पष्ट निर्देश दिले आहेत की, कोणत्याही वास्तविक लाभार्थ्याला आधार क्रमांक न दिल्याबद्दल कोटा धान्य नाकारू नये. त्यांचे नाव किंवा रेशन कार्ड PDS मधून काढले जाऊ शकत नाही.

असे प्रकारे आपले आधार कार्ड रेशनकार्डला ऑनलाइन लिंक करता येईल

> आधार लिंकिंगच्या अधिकृत वेबसाइटवर जा आणि स्टार्ट नाऊ वर क्लिक करा. यानंतर, आपल्या पत्त्याशी संबंधित तपशील भरा.

> बेनिफिट प्रकारात ‘रेशन कार्ड’ चा पर्याय निवडा. यानंतर तुमच्या रेशनकार्डमध्ये दिलेली योजना निवडा.

> ओटीपी व्हेरिफिकेशन नंतर तुमच्या रेशनकार्डला तुमच्या आधारशी लिंक केले जाईल.

असे प्रकारे आपले आधार कार्ड रेशनकार्डला ऑफलाइन लिंक करता येईल

> आपल्या जवळचे पीडीएस केंद्र किंवा पीडीएस शॉपला भेट द्या. आपल्या कुटुंबातील सर्व सदस्यांच्या आधार कार्डची फोटो कॉपी, कुटुंब प्रमुखाचा पासपोर्ट आकाराचा फोटो आणि रेशन कार्ड घ्या.

> जर तुमचे बँक खाते तुमच्या आधारशी लिंक केलेले नसेल तर तुम्हाला तुमच्या बँक पासबुकचीही फोटो कॉपी द्यावी लागेल.

> ही सर्व कागदपत्रे पीडीएस केंद्रात आपल्या आधारच्या फोटो कॉपीसह सबमिट करा. ही सर्व कागदपत्रे स्वीकारल्यानंतर आपल्या रजिस्टर्ड मोबाइल क्रमांकावर एसएमएस पाठविला जाईल.

> एकदा आधार कार्ड आणि रेशनकार्ड लिंक झाल्यावर तुमच्या रजिस्टर्ड मोबाइल क्रमांकावर एसएमएस येईल.

ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला WhatsApp करा आणि लिहा “Hello News”.

Get real time updates directly on you device, subscribe now.

You might also like
x Close

Like Us On Facebook

WP2Social Auto Publish Powered By : XYZScripts.com