हॅलो महाराष्ट्र ऑनलाईन । जगात अशी पहिलीच घटना समोर आली असून जिथे एचआयव्हीवर कोणताही उपचार न करताच बरा झाला आहे. एखाद्या व्यक्तीच्या रोगप्रतिकारक शक्तीने हा विषाणू पूर्णपणे नष्ट केला आहे आणि आता ही संक्रमित व्यक्ती एकदम ठीक आहे. शास्त्रज्ञांना या प्रकरणामुळे नुसते आश्चर्यच वाटलेले नाही तर ते त्याला एचआयव्हीच्या उपचारासाठीचा एक महत्त्वाचा दुवा म्हणूनही मानत आहेत.
26 ऑगस्ट रोजी सायन्स मासिका नेचरमध्ये प्रसिद्ध झालेल्या एका अहवालानुसार, या रूग्णाच्या शरीरात एचआयव्हीचा सक्रीय व्हायरस नाही आहे. याचा अर्थ असा आहे की, त्याला एचआयव्हीची लागण झाली होती आणि तो स्वतःच पूर्णपणे बरा झाला. जेव्हा हे प्रकरण उघडकीस आले, त्यानंतर डॉक्टरांनी त्याच्या शरीरात उपस्थित असलेल्या 1.5 अब्ज किंवा 150 कोटी पेशी तपासल्या. या रूग्णाला EC 2 असे नाव देण्यात आले.
यापूर्वी एचआयव्ही लोकांच्या शरीरात दोनदा बोन मॅरो ट्रांसप्लांट करण्याने बरा झाला आहे. यानंतर त्यांच्या शरीरातील एचआयव्हीचे विषाणू खूप वेगाने कमी झाले होते तसेच ते परतही आले नाहीत. परंतु शरीराच्या रोगप्रतिकारक शक्तीने कोणत्याही बाह्य मदतीशिवाय आपोआप एचआयव्हीशी लढा दिला आणि त्याला दूर केले, असा प्रकार पहिल्यांदाच समोर आलेला आहे.
दुसर्‍या माणसाचीही तपासणी करण्यात आली. त्याचे नाव EC1 आहे. त्याच्या शरीरातील 100 कोटी पेशींची तपासणी केली गेली आणि त्याच्या शरीरात फक्त एक सक्रिय व्हायरस आढळला. परंतु तोदेखील जेनेटिकली निष्क्रिय आहे. म्हणजेच या दोन मानवांच्या शरीराचे जेनेटिक्स असे आहे की ज्यामुळे ते दोघेही एचआयव्हीची सक्रियता संपवत आहेत.
एवढ्या तपासणीनंतर शास्त्रज्ञांनी या दोघांचे नाव एलिट कंट्रोलर्स (EC) असे ठेवले आहे. एलिट कंट्रोलर्स म्हणजे असे लोक ज्यांच्या शरीरात एचआयव्ही आहे मात्र ते एकत्र ते पूर्णपणे निष्क्रिय आहेत किंवा कमी प्रमाणात आहेत जे कोणत्याही औषधाशिवाय बरे होऊ शकतात. या दोघांमध्ये एचआयव्ही किंवा त्याच्या नुकसानीची लक्षणे देखील दिसली नाहीत.
कॅलिफोर्निया विद्यापीठात एचआयव्हीचे संशोधन करणारे सत्या दांडेकर म्हणाले की, ते काही महिने किंवा वर्षे दिसतच नाहीत. यामध्ये असे दिसून येते की बर्‍याच दिवसांत विकसित होत असलेला इम्यून सिस्टम आहे. जगातील सुमारे 350 दशलक्ष लोकांना एचआयव्हीची लागण झाली आहे. त्यापैकी, 99.50 टक्के असे रुग्ण आहेत ज्यांना दररोज अँटीरेट्रोव्हायरल औषध म्हणजे एचआयव्ही औषध घ्यावे लागते. या औषधाशिवाय हा रोग नियंत्रित करणे जवळजवळ अशक्यच आहे.
सत्याच्या मते, एलिट कंट्रोलर्सच्या रोगप्रतिकारक शक्ती आणि एचआयव्ही यांच्यातील संघर्षाचा आतापर्यंत कोणत्याही शास्त्रज्ञाने अहवाल नोंदविला नाही किंवा तयार केलेला नाही. मानवी शरीरावर एचआयव्हीने झालेल्या पहिल्या हल्ल्याकडे, रोगप्रतिकारक शक्तीकडे आपल्या सर्वांनीच लक्ष दिले नाही. म्हणून एलिट कंट्रोलर घोषित होईपर्यंत, त्याने आधीच एचआयव्हीचा पराभव केला आहे.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.