नवी दिल्ली । जर आपण एखादी नोकरी करत असाल तर आपल्यासाठी ही बातमी फार महत्वाची आहे कारण सध्याच्या काळात एक युनिव्हर्सल अकाउंट नंबर किंवा यूएएन नंबर (UAN) खूप महत्वाचा झाला आहे. वास्तविक, कर्मचारी भविष्य निर्वाह निधी संस्था (EPFO) आपल्या ग्राहकांना UAN जारी करते.
UAN काय असते ?
आपण आपले ईपीएफ अकाउंट (EPF Account) यूएएन नंबरद्वारे ट्रॅक करू शकता. UAN हा एक 12-अंकी युनिव्हर्सल नंबर आहे. जेव्हा हा नंबर सदस्यांना दिला जातो, तेव्हा तो लाइफ टाइम व्हॅलिड राहतो. लाइफ टाइम हाच नंबर राहतो, मग आपण पाहिजे तितक्या नोकर्‍या बदला. जर आपण आपला यूएएन विसरला असाल तर आपण ते ऑनलाइन, मिस कॉल किंवा एसएमएसद्वारे घरबसल्या जाणून घेऊ शकता. हे जाणून घेण्यासाठी, आपला मोबाइल नंबर ईपीएफओमध्ये नोंदविला गेला पाहिजे आणि केवायसी पूर्ण केली असली पाहिजे.
1. मिस कॉलद्वारे UAN शोधा
ईपीएफओ ग्राहकांना 011-22901406 वर त्यांच्या रजिस्टर्ड मोबाइल क्रमांकावरून मिस कॉल द्यावा लागेल. यानंतर, आपल्याला एक मेसेज मिळेल ज्यामध्ये आपला यूएएन नंबर आणि इतर डिटेल्स असतील.
2. एसएमएसद्वारे UAN शोधा
आपल्या रजिस्टर्ड मोबाइल नंबरवरून EPFOHO UAN ENG असे लिहून ईपीएफओ ग्राहकांनी 7738299899 वर मेसेज पाठवावा. हिंदी भाषेमध्ये माहिती मिळविण्यासाठी EPFOHO UAN HIN असे लिहून मेसेज पाठवा. यानंतर, आपल्याला एक मेसेज मिळेल ज्यामध्ये आपला यूएएन नंबर आणि इतर डिटेल्स असतील.
3. EPFO पोर्टलद्वारे UAN शोधा
> EPFO पोर्टल https://www.epfindia.gov.in/site_en/ For_Employees.php वर जा आणि सेवा विभागात Member UAN/Online Service (OCS/OTCP) वर क्लिक करा.
> आता उजव्या बाजूस असलेल्या इम्पॉर्टन्ट लिंक्स सेक्शनमध्ये Know Your UAN वर क्लिक करा.
> रजिस्टर्ड मोबाइल नंबर आणि कॅप्चा एंटर करा आणि Request otp वर क्लिक करा.
> मोबाइल नंबरवर आलेला ओटीपी, कॅप्चा एंटर करा आणि सबमिट करा.
> आता पीएफ खातेधारकाचे काही डिटेल्स भरावे लागतील. त्यानंतर Show My UAN वर क्लिक करा.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.