मॉन्टग (अमेरिका) । लुझियानामध्ये (Lousiana) एका बलात्काराच्या आरोपीने आपल्यावर आरोप करणार्‍या महिलेला ठार मारण्याची सुपारी दिली, मात्र तिला मारायला गेलेल्या दोघांनी तिच्या ऐवजी तिची बहीण आणि तिच्या शेजारणीला ठार मारले. पोलीस अधिकाऱ्यांनी या हत्येच्या आरोपाखाली शुक्रवारी अँड्र्यू एस्क्विन (25), डॅल्विन विल्सन (22) आणि बीक्स कॉर्मियर (35) यांना अटक केली.
टेरेबोन पॅरिशचे शेरीफ टिमोथी सॉगीनेट यांनी वार्ता दिली की, कॉर्मियरला यापूर्वी वर्मिलियन पॅरिश येथे बलात्काराच्या आरोपाखाली अटक करण्यात आली होती आणि त्याने आरोप करणार्‍या महिलेला जिवे मारण्यासाठी त्याने एस्कीन आणि विल्सन यांना सुपारी दिली जेणेकरुन ती स्त्री त्याच्याविरूद्ध साक्ष देऊ शकणार नाही.
अधिकाऱ्यांनी सांगितले की, एस्क्विन आणि विल्सन यांनी त्या महिलेच्या घरी जाऊन तिला त्याबद्दल विचारले. पीडितेची बहीण ब्रिटनी कोर्मियर (34) ने त्यांना सांगितले की, ते ज्या स्त्रीचा शोध घेत आहेत ती तीच आहे. त्यानंतर त्यांनी तिच्या बहिणीला गोळ्या घालून ठार केले. पीडितेची शेजारीण होप नेटटल्टन (37) ने या दोघांना रोखण्याचा प्रयत्न केला, परंतु त्यांनी तिलाही गोळ्या घालून ठार केले.
पोलिसांनी दिलेल्या माहितीनुसार, एस्किन हा हत्येच्या ठिकाणी उपस्थित नव्हता, परंतु त्याने कारची व्यवस्था करण्यात आणि खुनाची योजना आखण्यास मदत केल्यामुळे त्याच्यावरही खुनाचा आरोप ठेवण्यात आलेला आहे. जिल्हा अटर्नी यांनी आरोपीवर भाष्य केले आहे की, ही अतिशय धोकादायक लोकं आहेत आणि अशी लोकं रस्त्यावर मोकाट फिरणे मला आवडणार नाहीत. ते म्हणाले की,”आरोपींना केवळ खुनाची शिक्षा होईल. आरोपीला बेलसाठी 2 मिलियन डॉलर्सचा बॉन्ड भरावा लागणार आहे.” जिल्हा अटर्नी म्हणाले की,”ते एक अर्ज दाखल करतील ज्यामुळे आरोपींच्या बॉन्डची रक्कम वाढेल आणि ते तुरूंगातून बाहेर पडू शकणार नाहीत.”
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.