हॅलो महाराष्ट्र ऑनलाईन | राष्ट्रवादी काँग्रेस प्रवक्ते तथा अल्पसंख्यांक मंत्री नवाब मलिक यांना तब्बल आठ तासांच्या चौकशीनंतर अटक करण्यात आली. त्यांच्या अटकेनंतर आघाडीतील नेत्यांकडून मंत्रालयाच्या आवारात धरणे आंदोलन सुरु केले आहे. मलिक यांना पाठींबा देण्यासाठी आणि ईडीच्या कारवाईचा निषेध नोंदवण्यासाठी करण्यात आलेल्या धरणे आंदोलनात आघाडीला बढे नेते सहभागी झाले आहेत.
राष्ट्रवादी काँग्रेस प्रवक्ते तथा अल्पसंख्यांक मंत्री नवाब मलिक यांच्यावर ईडीच्यावतीने कारवाई करत अटक करण्यात आली. मलिक यांच्या अटकेच्या निषेधार्थ आज मुंबईतील मंत्रालय परिसरात उपमुख्यमंत्री अजित पवार यांच्या उपस्थितीत महात्मा गांधी यांच्या पुतळ्यास पुष्पहार अर्पण करून तसेच अभिवादन करून धरणे आंदोलनास सुरुवात करण्यात आले.
या आंदोलनास उपमुख्यमंत्री अजित पवार, खासदार सुप्रिया सुळे, सहकारमंत्री बाळासाहेब पाटील, जलसंपदामंत्री जयंत पाटील, मंत्री छगन भुजबळ, गृहमंत्री दिलीप वळसे पाटील, रुपाली चाकणकर, मंत्री बाळासाहेब थोरात, मंत्री हसन मुश्रीफ, विजय वडेट्टीवार, जितेंद्र आव्हाड आदींसह राष्ट्रवादी काँग्रेसमधील सर्व नेते उपस्थित आहेत.